Засгийн газрын өнөөдрийн хуралдаанаар АТГ-ын даргыг улируулан томилох санал гарсан. Үүнтэй холбогдуулан АТГ-ын дарга З.Дашдаваа сэтгүүлчдийн асуултад хариуллаа.
Тэрбээр АТГ-ын даргаар зургаан жил ажилласан хугацаандаа “Эрдэнэт”-ийн 49 -ийн хэрэг, нүүрсний хэрэг, Хөгжлийн банкны зэрэг хэргүүдийг илрүүлж, арга хэмжээ авахад АТГ-ын оролцоо их байсан. Хөгжлийн банкийг дампуурлаас аварч, 500 сая орчим ам.доллар, 30 сая иенийг Хөгжлийн банкинд төлж дуусгасанд АТГ-ын оролцоо бий" гэв.
Мөн авилгын хэрэгт холбогдсон нэр бүхий улстөрчид тухайлбал УИХ-ын гишүүн Ж_Мөнхбатын нүүрсний хэрэг шийдэгдэхгүй сугарч үлдсэн талаарх асуултад "Хүний гэм буруугийн асуудал ээдрээтэй нарийн 2 талын оролцоотой шийддэг асуудал. Нийгмийг доргиосон нүүрсний хэрэг гурван шатны шүүхээр ороод шийдэгдлээ. Шүүхийн процесс гэдэг өөрөө тодорхой хуультай. Гадаад руу явсан хүмүүсийн асуудал яригдана. Тодорхой процессын дагуу явж байж, шийдэгдэнэ гэсэн хариулт өглөө.
-Авлига бүх салбарт байна. Иргэн бүр авлигын асуудалтай тулгарч байна. Авлига буурах уу?
-Авлига буурна, би бол өөдрөг төсөөлөлтэй байгаа. Авлигын төсөөллийн индексээр манай улсад 5-6 зөвлөмж өгөгдсөн. Энэ зөвлөмжийг Авлигатай тэмцэх үндэсний хөтөлбөрт шингээгээд УИХ-аар 2023 онд батлуулсан. Хэрэгжүүлэх ажлын төлөвлөгөөг Засгийн газраар УИХ-д өргөн бариулаад батлуулсан. Ирэх жилээс авлига буурсан байх болно.
