Удам дамжсан бөх Даян аваргын гуч, Дархан аваргын хүү Ө.Пэрэнлэйжамцыг фокуслаж байна
Даян аварга “Буур" хэмээх Нацагийн Жамъянгийн гуч, дархан аварга Г.Өсөхбаярын хүү Ө.Пэрэнлэйжамц 2002.02.16-нд төрсөн. 198см өндөр,
Тэрээр 2019, 2020, 2024 онуудын Үндэсний Их баяр наадамд зодоглож байсан бөгөөд өнгөрөгч Гуравдугаар сарын 28-ны өдөр сумын цолтой, залуу бөхчүүдийн ээлжит барилдаанд зодоглон зургаа давж шөвгөрсөн. Мөн “Өсөх ирээдүйтэй бөх”-ийн шагналыг хүртэн олны анхааралд өртөөд амжлаа. Ө.Пэрэнлэйжамц сагсан бөмбөгөөр хичээллэдэг. 3х3-ийн залуучуудын Үндэсний шигшээ багт дуудагдсан олон амжилтын эзэн.
Дурдвал Өсвөрийн УАШТ-ний 1 алт, 1 мөнгө, 2 хүрэл медальтай, Өсвөрийн УАШТ-ний “Шилдэг тоглогч”, ICG Олон Улсын хүүхдийн наадмын мөнгө, хүрэл медальт, 3х3 өсвөрийн УАШТ-ний аварга, Оюутны Улсын аварга шалгаруулах тэмцээний хүрэл медальтай, MNBA Үндэсний лигийн аварга
Мөн 2020 онд жүдо бөхийн залуучуудын УАШТ-ээс хүрэл медаль, 2023 онд Хонг Конгод явагдсан Азийн нээлттэй тэмцээнээс хүрэл медаль хүртэж байжээ.
2017 онд 15 настай байхдаа хэвлэлд өгсөн ярилцлагадаа Сагсан бөмбөг бол миний сонирхол, сонгосон мэргэжил маань астрофизикч буюу одон орон судлаач хэмээж байжээ. Аавынхаа залуу насыг санагдуулам арал чац, бие хаа тэгш хөгжсөн түүнийг бөхөд хайртай Монголын ард түмэн нүд чих тавин хүлээх бололтой.
