Авто спортын тамирчдын чансааг шалгадага “Торгоны зам-2025” авто ралли уралдааныг ирэх долоодугаар сарын 12-22-нд буюу 10 хоногийн турш Эрхүү-Улаанбаатар-Уулын Алтай чиглэлээр зохион байгуулна. Тэмцээнд оролцох тамирчид эрэгтэй, эмэгтэй ялгаагүй өөрийн улсынхаа жолооны үнэмлэхтэй, “Торгоны зам-2025” авто ралли уралдаанд оролцох төрлийнхөө эрхийг авсан байна. Уралдаан мотоцикль, дөрвөн дугуйт, хоёр төрлийн жийп, том оврын машин зэрэг ангиллаар болох бөгөөд тамирчид долоодугаар сарын 12-нд гараанаас гарах аж. Тэгвэл Улаан-Үд-Улаанбаатарын маршрут долоодугаар сарын 12-нд эхэлж, уралдаанд оролцогчид хоёр улсын хилээр нэвтрэх юм байна. “Торгоны зам-2025” нь Улаанбаатар, Баянхонгор, Говь-Алтай, Ховд аймгийн нутгаар дайран өнгөрнө.
