БНСУ-ын жүжигчин Kим Сэ Рун нь 2000 оны 07-р сарын 31-нд Сөүл хотод төрсөн. 2009 онд буюу 9 насандаа дебютээ хийж байжээ. Тэрээр 9 настайдаа тоглосон "A Brand New Life" гэх киногоороо Канн-ын кино наадамд оролцож улаан хивсэн дээгүүр алхасан хамгийн залуу жүжигчин болж байсан юм Гэвч 2025 оны 02 сарын 16-ны өдөр түүнийг гэрээс нь нас барсан байдалтай олж, амиа хорлолт гэж дүгнэн хэргийг хааж буйг мэдэгдсэн юм. Учир нь гэрт нь гадны хүн нэвтэрсэн ул мөр огт байгаагүй бөгөөд 2022 онд гаргасан авто ослоос үүдэн уран бүтээлийн карьер нь уналтанд ороод байсан нь түүний үхэлтэй холбоотой гэж үзжээ.
Тэрээр 2022 оны 5-р сарын 18-ны өглөөний 8 цагийн орчимд Ганнам дүүрэгт согтуугаар жолоо барин осол гаргаж трансформатор, хамгаалалтын хашлага, зэрэг хэд хэдэн байгууламжийг мөргөснөөс үүдэн ойр орчмын 60 орчим байгууллагийн цахилгааныг 3 цаг орчим тасалдуулж хохирол учруулсан юм. 2023 оны дөрөвдүгээр сард 20 сая вон буюу 13 сая ам.доллараар торгуулсан юм.
Бага наснаасаа л урлагт хөл тавьсан ч өдий хүртэл цуглуулсан хөрөнгө нь нөхөн төлбөрт зөвхөн зарцуулагдаж, тэрээр цагийн ажил хийж эхлээд маш их турсан тухай зураг нийтлэл гарч байжээ. Тэрээр өөрийн нэрээ өөрчлөн, кафе нээн, эргэн ирэх бэлтгэлээ хийж байсан, ийм зүйл болсонд итгэж чадахгүй байна хэмээн ярьсан байна.
Наймхан наснаасаа эхэлсэн түүний карьер 24 насандаа төгсгөл болж, олон хүнийг эмзэглүүлэн харамсууллаа
