2021 оны нэгдүгээр сарын 6-нд жагсагчид Капитолыг дайран эзэлсний дараа Facebook, Instagram сүлжээнд Дональд Трампын хаягийг хаасан асуудлаар АНУ-ын Ерөнхийлөгч болон “Meta” корпорацийн хооронд үүссэн маргаан өчигдөр /2025.01.29/ тохиролцоонд хүрчээ.
Тохиролцооны дагуу, Meta Цагаан ордны тэргүүнд 25 сая долларыг нөхөн олгохоор болсон хэмээн The Wall Street Journal уламжлав. Трампын хаягийг хаасан хэргийг шүүхээс эргүүлэн татаж, Meta корпорац 22 сая долларыг Ерөнхийлөгчийн нэрэмжит номын санд хандивлаж, үлдсэн мөнгө шүүхийн өр төлбөрт зарцуулагдана. Facebook, Instagram сүлжээг эзэмшдэг Meta корпорац олон нийтийн өмнө буруугаа хүлээн зөвшөөрөхгүй хэмээн талууд тохиролцжээ.
