Хөвсгөл аймгийн Улаан-Уул сумын VI багийн “Сар гэр” гэдэг газар, сумын төвөөс баруун хойд зүгт 115 км-т энэ сарын 25-ны өдрийн 01:48:42 цагт 3.5 магнитудын хүчтэй газар хөдлөлт болжээ.
Энэ тухай мэдээллийг мөн өдрийн 01:56 цагт Одон Орон, Геофизикийн Хүрээлэнгээс ирүүлсэн байна. Тус аймгийн Онцгой байдлын газраар дамжуулан Улаан-Уул сумын Засаг дарга, ИТХ-ын дарга, багийн Засаг дарга нараас тодруулахад газар хөдлөлтийн чичирхийлэл иргэдэд мэдрэгдээгүй бөгөөд учирсан хохиролгүй тухай мэдээлсэн байна.
