Монгол Улсын Их Хурлын эмэгтэй гишүүдийн өргөн барихаар төлөвлөж буй Нийгмийн ажлын тухай хуулийн төслийн цуврал хэлэлцүүлэг улсын хэмжээнд зохион байгуулагдлаа.
Энэхүү үйл ажиллагааны хүрээнд “Хорих байгууллагын нийгмийн ажил” салбарын хэлэлцүүлгийг 2024 оны 12 дугаар сарын 25-ны өдөр Дотоод хэргийн их сургуульд зохион байгуулсан бөгөөд хэлэлцүүлэгт УИХ-ын гишүүн А.Ариунзаяа, О.Саранчулуун болон бусад албаны төлөөлөл, Дотоод хэргийн их сургуулийн Эрдэм шинжилгээний хүрээлэнгийн алба хаагчид, судлаачид, Сургалт, судалгааны 403 дугаар анги-Шүүхийн шийдвэр гүйцэтгэлийн албаны сургуулийн багш, судлаачид, ШШГЕГ-ын Хорих ял эдлүүлэх албаны Сургалт, нийгэм сэтгэл зүйн хэлтсийн дарга, хошууч
Т.Галбадрах, Дотоод ажил, хүний эрхийн асуудал хариуцсан ахлах мэргэжилтэн, ахмад Р.Өлзийнэмэх, Нийгмийн ажлын үйлчилгээ хариуцсан ахлах мэргэжилтэн, ахлах дэслэгч О.Дэнзиймаа нар оролцож, хорих байгууллагын ахлах нийгмийн ажилтан, нийгмийн ажилтнууд цахимаар болон танхимаар оролцож хуулийн төсөлтэй танилцаж, санал солилцлоо.
