Агаар.мн сайтаас гаргадаг агаарын чанарын индексээс харахад өнөөдөр /2024.12.20/ 08 цагийн байдлаар Толгойт, МҮОНРТ "бохирдолтой" гэсэн үзүүлэлтийг заажээ. Харин Нисэх, Баруун 4 зам, Баянхошуу, Нэгдүгээр хороолол, Дамбадаржаа, Хайлааст, Налайх зэрэг цэгүүдэд "бага бохирдолтой" байна.
Тэгвэл 100 айл, Монгол газар, Шархад, Яармагт агаарын чанар "хэвийн", Мишээл экспо, Бөхийн өргөө, Ургах наран, 5 буудал, Богд хааны ордон музей, Эрдэнэт хаягдлын санд агаар "цэвэр" байгаа юм.
Долоо хоногийн өмнө буюу энэ сарын 13-ны 09 цагийн байдлаар агаарын чанар МҮОНРТ, Хайлааст, Налайх зэрэг цэгүүдэд хамгийн "бохирдолтой", Баруун 4 зам, Монгол газар, Баянхошуу, Нэгдүгээр хороолол, Дамбадаржаа зэрэг цэгүүдэд "бага бохирдолтой" гэсэн үзүүлэлтийг зааж байв.
ДЭМБ-аас зөвлөснөөр агаарын чанарын индекс 50 давсан тохиолдолд хүний эрүүл мэндэд хортой гэж үздэг.
.png)
