Оросын алдарт балетчин 39 настай Владимир Шкляров Санкт-Петербург хотод тагтнаас унаж нас баржээ. Оросын хэвлэлүүдэд бииж буйгаар тэрбээр даваа гаригт нурууны хагалгаанд орох төлөвлөгөөтэй байсан бөгөөд өвчин намдаах эм уусныхаа дараа 5 давхрын тагтнаас унасан байдалтай олджээ. Түүний үхлийн шалтгааныг цагдаагийнхан мөрдөн шалгаж байна. Шкляров нь Санкт-Петербург хотын түүхт Марийнский театрын од байсан бөгөөд театрынхаа бүжигчин Мария Шкляровтой гэрлэсэн, хоёр хүүхэдтэй байв.
Риа Новостид бичсэнээр урьдчилсан дүгнэлтээр үүнийг осол байсан байж болзошгүй гэж үзэж байгаа аж.
Шкляров нь “Цөмөөхэй", "Ромео Жульетта", "Нойрсож буй гүнж" зэрэг сонгодог балетуудын гүйцэтгэлээрээ хэд хэдэн нэр хүндтэй шагнал хүртсэн бөгөөд олон улсад байнга аялан тоглолт хийдэг байв. Тэрбээр Орос- Украйны дайныг эсэргүүцэж цахим худастаа эх орноо шүүмжилсэн удалгүй устгаж байжээ.
