Нийтийн тээврийн бодлого зохицуулалтын газраас Баянзүрх дүүргийн 26, 36-р хорооны иргэдээс Ч71 чиглэлийн автобусны хүртээмжийг нэмэгдүүлэх хүсэлтийн дагуу нийтийн тээврийн үйлчилгээг түргэн шуурхай хүргэх, автобусны хүлээгдлийн хугацааг багасгах зорилгоор богино эргэлтийн Ч:71а чиглэлийн автобусны тоог хоёроор нэмжээ.
Энэхүү чиглэл нь “Дүнжингарав худалдааны төв-Баянмонгол хороолол-МУБИС-Сүхбаатарын талбай” чиглэлд үйлчилдэг бөгөөд хүлээгдлийн хугацаа 22 минутаас 12 минут болгон буурах боломжтой. Өөрчлөлтийг өнөөдрөөс буюу 2025 оны 10-р сарын 08-ны өдрөөс мөрдөж эхэллээ.
Үйлчилгээтэй холбоотой санал хүсэлтийг 70044040 утсаар 24 цагийн турш хүлээн авч шуурхай шийдвэрлэнэ.
