Намайг Э.Дэлгэртуяа гэдэг. МУБИС-д монгол хэлний багшаар сурдаг. 3-р курсийн оюутан. Хэдий улс орон хөл хорио, хатуу дэглэмд ороод жил болж байгаа ч гэсэн энэхүү цаг хугацаа бол миний амьдралд томоохон өөрчлөлтүүдийг авчирсан жил боллоо. Хоббигоо хаялгүй, сонирхол болгож олон талаар нь хөгжүүлж чадсан юм.
Би бол монгол бичигт хайртай, амиа өгдөг хүмүүсийн нэг. Хөл хорионы үеэр монгол бичгийн нэг төрөл болох бийрэн бичгийн төрлийг сурч эзэмшсэн. Үүний хажуугаар дуу сонсоод, таталж бичих миний сонирхлыг илүү их татаж байгаа. Одоогоор “Монгол улсын төрийн дуулал”, “Монголын нууц товчоо”, “Монголын тал нутаг” гэх мэт удаан ритм, аятай дуунуудыг таталж бичээд байна. Монгол бичиг ээжийн авдар шиг санагддаг. Ухах тусам улам өнгө орж, алт эрдэнэс, ашигтай бүхэн нь гарч ирж байдаг. Гэхдээ ээжийнхээ авдрыг ух гэсэн үг биш шүү. Хэхэ.
Миний хувьд хэдий багшаар сурдаг ч гэсэн хөл хорионы үед онлайнаар хичээл орсны улмаас дадлагад гарч чадаагүй. Тиймээс онлайнаар хүүхдүүдэд монгол бичиг болон бийрийн бичгийн сургалт явуулсан. Бийрийн бичиг сурсны хамгийн гоё зүйл нь идэвхтэй, ухаалаг олон шавь нартай болсон явдал юм. Энэ бол миний амьдралд тохиолдсон хамгийн гайхалтай мөч. Хөл хорио сулран амьдрал хэвийн байдалд шилжихээр монгол бичиг, бийрийн бичгийг түгээн дэлгэрүүлэх ажлыг зохион байгуулахаар төлөвлөж байна.
“Өгье гэвэл ганцаасаа” гэдэг энэ үгэнд би их дуртай. Яагаад ч юм хүн байхын утга учрыг таниулдаг үг шиг санагддаг. Тиймдээ ч аль болох сурсан зүйлсээ цааш түгээх, аль эсвэл нэг хүүхдийн хичээлээ бичих дэвтрийг ч болтугай авч өгье гэдэг үүднээс орлогоосоо тодорхой хэмжээний хувийг “Ид шидийн орон”-д хандивлаж өгсөөр байна. Амьдрал тэг зогсолтод орох үед дуртай зүйлээрээ хэрэглээний мөнгөө олох шиг аз жаргалтай зүйл байхгүй юм шиг л санагдсан.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Э.Батшугар: Төр өөрт байгаа мэдээллийг иргэд, ААН-ээс нэхэх ёсгүй
16 цагЕрөнхийлөгч У.Хүрэлсүх гавьяат тамирчин Ц.Раднаа гуайг хүлээн авч хүндэтгэл үзүүллээ
16 цаг12, 14 настай хүүхдүүд Prius 41 загварын автомашиныг хулгайлаад баригджээ
17 цагЭнэ онд 11 байршилд 5,980 хүүхдийн суудалтай сургуулийн төсөл арга хэмжээг шинээр эхлүүлнэ
19 цагСкүүтерийн ослын улмаас 2023 онд 266, 2024 он гарсаар 56 хүн Гэмтлийн эмнэлэгт ханджээ
19 цагНэг настай хүүхэд дайрч амь насыг нь хохироосон хэрэг гарчээ
19 цаг"Нарантуул" захын уулзвараас "Өгөөмөр" хүртэлх авто замыг энэ сарын 20-23-нд хааж, засварлана
19 цагЭ.БАТ-АМГАЛАН: Ажиллаж байгаа үедээ түүхийг бүтээж, амжилт гаргах нь миний зарчим
21 цаг"Хайрын амлалт” арга хэмжээний хүрээнд 70 залуу хос хуримаа хийнэ
22 цагӨМӨЗО-д тэтгэлгээр суралцах хүсэлтэй оюутнуудыг бүртгэж эхэллээ
22 цаг
176.63.2.145
Баярлалаа
Хариулах202.126.90.138
Мундаг шавьдаа улам их амжилтыг хүсье. Хүссэн мэргэжлээ сонгоод мэргэжлээсээ аз жаргалыг мэдрэх шиг жаргал хаа байх вэ?
Хариулах66.181.176.149
Сайхан санаачлагатай зөв үзэл бодолтой ,соёлыг түгээж,байгаад баяр хүргэе .Амжилт2
Хариулах