Blaavgai гэх хочийг зүүсэн Ц.Мөнхтуяа нь улстөрч үү, заналхийлэгч шантаажчин уу, багш уу, Blaavgai юу?
Боловсролын сайд П.Наранбаярыг улиран томилогддог УИХ-ын чуулган дээр тэрбээр үг хэлэх боломжоо ашиглан зад загнаж заналхийлээд авсан. Багш нарынхаа нэрийг барин салбарынхаа сайд руу шүлсээ савриулан намар тэмцэж жагсан огцруулна хэмээн сүрдүүлсэн. Энэ нь түүний боловсролгүй хэрүүлч , Blaavgai гэдгийг нь улам тодруулсан. Хууль санаачлан боловсруулж, боловсролын салбарын эрх зүйн орчныг босгоод өгнө хэмээн АН-ынхан жагсаалтаар УИХ-д ногоон гэрлээр оруулсан. Гэтэл энэ хүн нь парламентийн танхимыг балайчуудын танхим болгосоор байна Төр түшилцэж, төрийн түшээгийн дархан эрх ямба эдлээд жилийн босго давах гэж байна. Атал хэдэн хууль санаачилж ямар хуулийн төсөлд саналаа хэлснийг мэдэх хүн байна уу? Монголын мянга мянган багш нарын нэр хүндийг гутаасан энэ хүн төрийн түшээ байтугай багш байх ёс зүйтэй, боловсрол мэдлэгтэй эсэх нь эдүгээ олны анхаарлыг татаад эхэлсэн. Дээд боловсролтой юу, багшийн дипломтой юу, ажиллаж байсан сургуулиасаа хөөгдсөн үү гээд олон олон асуултад олон түмэн хариулт нэхч байна. Гэтэл мань Blaavgai маань багш багш гэж цээжээ дэлддэг хэр нь Дорнодын багшийн коллеж оо хүртэл төгсөж чадаагүй гэнэ шүү. Бакалавр битгий хэл коллежоо төгсөж чадаагүй хүн багш нарыг тэмцэл бослогын бамбай болгон УИХ -ыг гишүүдээ сүрдүүлж дарамталдаг энэ хүн 126-ийн нэг байх эрхтэй юу? Тэр тусмаа өөрийгөө боловсролын салбарыг төлөөлж байгаа гэж хэл ам хэрүүл зарга хийх нь наад захын улс төрийн соёл, ёс зүйгүй Blaavgai болгоод байна. Ийм хүнийг боловсролын салбарыг төлөөлүүлэн жагсаалтандаа оруулж мянга мянган ардын багш нарыг яаж ингэж доош хийж чадав аа, АН-ынхаан?! Blaavgai маань Төрийн ордныг хэрүүлээр бузарлаад зогсохгүй мөн л өөрсдийн бурууг бусдад нялзаадаг, хичээлээ хийдэггүй хүүхдүүдийг өөгшүүлэн ЭШ-ыг дампуурсан хэмээн зарласан юм. Жил болгон гардаг энэхүү маргааныг сүр болгон зарласан нь өөртэйгөө адилхан хичээлээ хийдэггүй хүүхдүүдийг өмөөрсөн хэрэг юм болов уу?
