ОХУ-ын Пермь хотод дөрөвдүгээр сарын 16-наас 28-ны өдрүүдэд зохиогдсон Арабеск олон улсын сонгодог бүжгийн уралдаанд Монгол улсын балетийн урлагаар суралцагч 8 сурагч явсан ба хос алтан медаль, нэг хүрэл медалийн эзэд тодорсон юм.
Тус тэмцээнээс нэгдүгээр байр эзэлсэн Монгол Улсын Консерваторын Бүжиг, циркийн мэргэжлийн сургуулийн сурагч Үенгийн Анарт 65 сая төгрөгөөр шагнахаар болжээ.
Мөн Бүгд Найрамдах Чех Улсад зохиогдсон Косианы нэрэмжит олон улсын залуу хийлчдийн уралдаанд гуравдугаар байр эзэлсэн Монгол Улсын Консерваторын Сонгодог хөгжмийн мэргэжлийн сургуулийн сурагч Ган-Эрдэнийн Гансүлдэд есөн сая төгрөгийн мөнгөн шагнал олгоно.
