БАГАНУУРЫН УУРХАЙГ ТҮШИГЛЭН НҮҮРС ХИМИЙН ЦОГЦОЛБОР БАРИНА

Засгийн газраас хэрэгжүүлэх 14 мега төслийн нэг нь “Хөх нүүрс” төслийн хүрээнд Багануурын нүүрсний уурхайд түшиглэн “Нүүрс химийн цогцолбор” байгуулахаар төлөвлөсөн. Үүнтэй холбоотойгоор өнөөдөр /2025.01.20/Багануур дүүрэгт байрлах “Эрдэнэс Монгол” ХХК-ийн үйлдвэрт ажиллаж, өвөлжилтийн нөхцөл байдал болон шинээр хэрэгжүүлэх шахмал түлшний үйлдвэрийн асуудлаар холбогдох албаныхантай санал солилцож байна.

“Хөх нүүрс” төслийг хэрэгжүүлснээр:

• - Хөх нүүрс нь эдийн засгийн хувьд хэмнэлттэй, үйлдвэрлэх үнэ одоогийн сайжруулсан түлшнээс 62 хувиар бага байна;
• - Агаарын бохирдол 60-80 хувь буурах боломжтой;
• - Нүүрсний хог хаягдлаас 100 мвт-ийн эрчим хүч үйлдвэрлэнэ;
• - Химийн бодисын түүхий эдийг дотооддоо үйлдвэрлэх боломжтой болох юм.