Хууль зүй, дотоод хэргийн сайд О.Алтангэрэл "Засгийн газрын ээлжит хуралдаанаар хүний эрхийг хангах үндэсний 2-р хөтөлбөрийг танилцууллаа. Энэ ажлын хүрээнд Монгол улсад хүний эрхийг хангах олон чухал шийдвэр гарлаа.
Хүний эрхтэй холбоотой хуулийн төслийг хэлэлцлээ. Үүнд жагсаал цуглаан болон хэвлэлийн эрх чөлөөний хуулийн төслийг хэлэлцлээ. Хэвлэлийн эрх чөлөөний тухай хуулийг дагаж зарим хуулийн заалтад өөрчлөлт оруулахаар байна.
Улаанбаатарт жагсаж байвал Нийслэлийн Засаг дарга тараах эрхтэй байсан. Хэрвээ жагсаал цуглааны хуульд өөрчлөлт орвол тухайн жагсаалыг цагдаагийн байгууллагын саналаар албадан тараах эрхтэй болно. Мөн цагдаа жагсаж буй иргэний аюулгүй байдлыг хангах үүргээ л биелүүлнэ. Өмнө нь жагсаал зохион байгуулахаар бол мэдэгдээд дараа нь бүртгүүлэх шаардлагатай байсан. Бүртгүүлээгүй бол хууль бус гэж үзчихдэг. Тиймээс энэ заалтыг хасаж жагсаал цуглаан хийхээр бол 48 цагийн өмнө мэдэгдэхэд л болох заалтыг нэмсэн.
Түүнчлэн МҮОНТВ-ийн сэтгүүлч л эх сурвалжаа хамгаална гэсэн заалттай. Өөрчлөлт оруулах гэж буй хэвлэлийн эрх чөлөөний тухай хуульд сэтгүүлч эх сурвалж хамгаалах эрхтэй гэж зааж өгсөн. Өмнө нь зөвхөн шүүхээр л шийдүүлдэг байв" гэв.
Засгийн газрын хуралдаанаас гаргасан шийдвэрүүдийг танилцуулж байнаЗасгийн газрын өнөөдрийн (2024.12.18) хуралдаан эхэлжээ. Хуралдаанаар:
