Замын-Үүдэд хоёр хүүхэд цахилгаан шатанд гацжээ.
Тодруулбал, Дорноговь аймгийн Замын-Үүд сумын Соёмбо багт цахилгаан шат гацаж, дотор нь бага насны 2 хүүхэд гарах боломжгүй байна гэсэн дуудлагыг өчигдөр буюу арванхоёрдугаар сарын 11-ний өдрийн 18:21 цагт Онцгой байдлын байгууллага хүлээн авчээ.
Тус аймгийн Онцгой байдлын газрын 17 дугаар ангийн алба хаагчдыг очиход А /13 настай, эмэгтэй/, Н /14 настай, эмэгтэй/ нар цахилгаан шатанд гацсан байсныг 10 минут ажиллан эсэн мэнд гаргаж, иргэн А-д хүлээлгэн өгсөн байна.
