БАРИМТЫГ ФОКУСЛАНА.

Орц, гарц хааж, дулааны шугамыг эвдсэн барилгын компанийн зөрчлийг арилгуулж байна


Өнгөрсөн сард нийслэлийн Хяналт, шалгалтын газраас иргэдийн гомдлын дагуу Сүхбаатар дүүргийн 10 дугаар хорооны нутаг дэвсгэр дээр барилгын үйл ажиллагаа явуулж буй “Мөнх ариун булаг” ХХК-ийг орц, гарц хааж, дулаан, цахилгааны шугам эвдсэн гэх асуудалд шалгалт хийж, шаардлага хүргүүлсэн билээ.

Шаардлагын гүйцэтгэлийн явцыг НХШГ-аас дахин шалгаж буй талаар НХШГ-ын дарга С.Энхбаяраас тодрууллаа. Тэрбээр “Энэхүү зөрчилтэй барилгын дунд үйл ажиллагаа явуулж буй 24 дүгээр цэцэрлэгийн багш нар болон хүүхдүүдийн эцэг эхийн гомдлын дагуу бид өмнө нь шалгалт хийсэн. Тухайн үед нийслэлийн улсын ахлах байцаагчийн 13 албан шаардлагыг өгсөн бөгөөд одоогоор албан шаардлагын биелэлтийг шалгахад 70 гаруй хувьтай байна. Цэцэрлэгийн цонх болон харагдах байдлыг хааж байрлуулсан краныг буулгаж, зарим хэсгийн эмх замбараагүй байдлыг цэгцэлсэн байна. Харин одоо нэн түрүүнд цэцэрлэгийн хүүхдүүдийн зорчих орц, гарцуудыг нээх шаардлагатай. Шалгалтын дагуу өгсөн үүрэг даалгавар бүрэн биелээгүй байгаа учир тус компанид өгсөн улсын байцаагчийн албан шаардлагыг нийслэлийн Стандартын газар болон нийслэлийн Орон сууцны бодлогын газарт дахин хүргүүлнэ” гэв.

Мөн аравдугаар сард “Карлсбэрг” ХХК-иас ирсэн гомдлын дагуу төлөвлөгөөт бус шалгалт хийхэд “Мөнх ариун булаг” ХХК нь барилгын ажил гүйцэтгэх явцдаа эрчим хүчний доголдол үүсгэсэн байсныг тогтоосон. Тус компанийн үүсгэсэн зөрчилд таван сая төгрөгийн торгуулийн арга хэмжээ авч, албан даалгавар хүргүүлсэн ажлын хэрэгжилт 80 хувьтай байна.

“Мөнх ариун булаг” ХХК-ийн зүгээс “Цэцэрлэгийн орц, гарцыг шийдэх ажил явагдаж байгаа бөгөөд энэ долоо хоногт дуусгах төлөвлөгөөтэй” гэсэн тайлбар өглөө.


0
angry
0
care
0
haha
0
liked
0
love
0
sad
0
wow

Шинэ мэдээ
Гал түймэрт өртөж орон гэрээ алдсан 18 айлд иж бүрэн гэр олголоо 10 цагийн өмнө
С.Одонтуяа: Эгийн голын УЦС-ын нөлөөллийн эцсийн дүгнэлтийг 2026 оны I улиралд гаргана 10 цагийн өмнө
"Сонсголын бэрхшээлтэй нүүдэлчин” баримтат кино олон улсад гарч эхэллээ 11 цагийн өмнө
УИХ-ын дарга Д.Амарбаясгалан, гишүүдийн хамт Архангай аймагт ажиллаж байна 11 цагийн өмнө
Засгийн газар Элчин сайд томилох тухай асуудлыг хэлэлцэж байна 12 цагийн өмнө
НӨАТ-ын сугалааны тохирол энэ сарын 19-нд болно 13 цагийн өмнө
Мөс цөмөрч машинтайгаа живсэн иргэнийг татаж гаргажээ 14 цагийн өмнө
Түймэрт өртсөн айлуудад 400 гаруй сая төгрөгийн тусламж үзүүлжээ 15 цагийн өмнө
Нийслэлд үйл ажиллагааа явуулж буй 770 нийтийн байрнаас 6 төрлийн 7,985 зөрчил илэрчээ 16 цагийн өмнө
Төрийн албаны ерөнхий шалгалт эхэллээ 17 цагийн өмнө
Нэтизэнчүүд ууртай байна. Сү Хён аа 17 цагийн өмнө
Засгийн газар 14:30 цагт хуралдана 18 цагийн өмнө
ОБЕГ: Хээрийн түймрүүдийг бүрэн унтраалаа 18 цагийн өмнө
"Нисдэг Сүхжин"-гийн ОУХМ цолыг төрөлх нутгийнхан нь 46 сая төгрөгөөр мялаажээ 20 цагийн өмнө
Улаанбаатарт үүлэрхэг, өглөөгүүр ялимгүй цас орно 20 цагийн өмнө
Тэрсүүд өдөр 20 цагийн өмнө
Дорнодын Халхгол суманд гарсан хээрийн түймрийг унтраахаар ажиллаж байна Өчигдөр
Энэ онд нийслэлийн хэмжээнд 59.6 км явган замыг шинэчилнэ Өчигдөр
ЦЕГ: Бага насны хүүхэд ааруул идэж байгаад "хахаж" нас барсан байж болзошгүй Өчигдөр
Монгол Улсын Ерөнхийлөгчид Чех Улсын Ерөнхий сайд бараалхав Өчигдөр