БНСУ-ын Кёнги мужийн Ансон хотын бордооны үйлдвэрийн чингэлэгт гал гарч, Монгол Улсын иргэн нас барсан талаар тус улсын цахим сайтад мэдээлэл гарчээ. Ансон хотын цагдаагийн байгууллагаас хохирогчийг 20 гаруй насны Монгол Улсын иргэн болохыг тогтоосон байна. Талийгаач залуу өнгөрсөн сарын 30-ны өдрийн 20:57 цагийн орчимд Ансон хотын Сөүн-Мён хотын бордооны үйлдвэр доторх чингэлэгт шатаж нас барсан байдалтай олджээ.
