Аймгийн ИТХ-ын дарга, Засаг дарга нар тодорч эхэлсэнтэй холбоотойгоор АИТХ-д ойролцоо санал авсан намуудын дунд Засаг даргын төлөөх өрсөлдөөн эхлээд байна. Хамгийн сүүлд буюу өчигдөр болсон Сэлэнгэ аймгийн ИТХ-ын анхдугаар хуралдаанаар Н.Лхагвадоржийг аймгийн Засаг даргад 51,2 хувийн саналаар дэмжиж, Ерөнхий сайдад өргөн мэдүүлжээ.
Тус аймгийн ИТХ-ын 41 төлөөлөгчийн 19 нь АН-аас, 21 нь МАН-аас, нэг нь ХҮН намыг төлөөлдөг. Тэдний олонхи нь Н.Лхагвадоржийг Засаг даргад нам үл харгалзан дэмжсэн байна. Энэ нь Засгийн газарт хамтарч буй МАН, АН болон ХҮН намынхны хувьд аймаг орон нутагт ч хөгжлийн төлөө улстөржилтөөс хараат бус байх эерэг жишиг болж байна.
Харамсалтай нь МАН-ын Удирдах зөвлөлийн “хүн” нь унасны төлөө ялсан Засаг даргыг Ерөнхий сайдаар батламжлуулахгүй, унагах гэсэн эсрэг кампанит ажлууд явагдаж “намаас хөөлгөнө” хэмээн сүрдүүлж эхэлсэн бололтой Эх сурвалжийн мэдээлснээр МАН-ын Удирдах зөвлөлөөс Дашбат гэдэг хүнийг Засаг даргаар сонгох чиглэлийг өгчээ. Гэвч АИТХ-ын төлөөлөгчид дээрээс өгсөн хүнийг биш өөрсдөө дотроосоо Н.Лхагвадоржийг нэр дэвшүүлж Засаг даргаараа сонгосон юм байна. Харамсалтай нь нутгийн өөрөө удирдах байгууллагын Засаг даргаа сонгох эрхэнд зарим нэг улстөрчид халдаж, МАН-ын дарга, Ерөнхий сайд Л.Оюун-Эрдэнээр дэмжүүлэхгүй байх хор, ховыг найруулж байгаа мэдээлэл Төрийн ордонд таржээ
