Богдхан уулын дархан цаазат газрын хамгаалалтын захиргааны албан хаагчид хоёр хэсэгт хуваагдан ажиллаж, тусгай хамгаалалттай газар бэлчээрлэж буй малыг гаргах ажиллагааг зохион байгууллаа. Тодруулбал, нэгдүгээр хэсгийн алба хаагчид Бага тэнгэрийн амнаас Залаатын ам хүртэл нийт 80 орчим толгой малыг гаргасан бөгөөд 67 адууг нийслэлийн Баянзүрх дүүргийн Цагдаагийн 3 дугаар хэлтэст хүлээлгэн өгсөн байна. Мөн хоёрдугаар хэсэг нь Зайсангийн амнаас Их тэнгэрийн ам хүртэл 30 толгой адууг мөн адил хүлээлгэн өгсөн талаар мэдээллээ.Нийслэлийн иргэдийн Төлөөлөгчдийн Хурлын 2024 оны 9 дүгээр тогтоол, Нийслэлийн Засаг даргын 2025 оны А/1589 дүгээр захирамжийн хэрэгжилтийг хангах хүрээнд иргэдийн эрүүл, аюулгүй орчинд амьдрах эрхийг хамгаалах, мал, амьтны гоц халдварт өвчнөөс урьдчилан сэргийлэх, ногоон байгууламж болон нийтийн эзэмшлийн эд хөрөнгийг хамгаалах, авто замын осол, эрсдэлийг бууруулах зорилгоор мал гаргах ажлыг зохион байгуулж буй юм.
Тусгай хамгаалалттай газарт малаа бэлчээсэн иргэдэд Зөрчлийн тухай хуулийн 7.17 дугаар зүйлийн дагуу тусгай хамгаалалттай газар нутагт хориглосон үйл ажиллагаа явуулсан тохиолдолд иргэнийг 500 нэгжээр, хуулийн этгээдийг 5000 нэгжтэй тэнцэх хэмжээний төгрөгөөр торгох бөгөөд учруулсан хохирлыг нөхөн төлүүлэх хуулийн зохицуулалтай.
Иймд, мал аж ахуй эрхлэхийг зөвшөөрөгдсөн бүсэд малаа байнгын хариулга, маллагаатай байлгаж, тусгай хамгаалалттай газар нутаг болон суурьшлын бүсэд мал нэвтрүүлэхгүй байхыг анхааруулж байна
Сэтгэгдэл (0)
Сэтгэгдэл бичигдээгүй байна