НИТХ-ын дарга А.Баяр Гамшгийн эрсдэлийг бууруулах нийслэлийн зөвлөлийн даргын хувьд Нийслэлийн онцгой байдлын газарт ажиллаж, алба хаагчидтай уулзлаа.
Энэ жил Гамшгийн эрсдэлийг бууруулах нийслэлийн зөвлөлөөс галын эсрэг менежментийг шинэчилж Нэгдсэн шуурхай удирдлагын төв байгуулахаар ажиллаж байна. Гал, усны аврах дуудлагын үед очих хугацааг багасгах, газын хэрэглээтэй холбоотой осол аваараас урьдчилан сэргийлэх чиглэлээр ажиллах, газар хөдлөлтөд бэлтгэлтэй байх зэрэг үндсэн бодлого, хийж хэрэгжүүлэх ажлаа алба хаагчдад танилцуулж, ярилцлаа.
Уулзалтад оролцсон алба хаагчид өөрсдийн тулгамдсан асуудал, шийдэл тэр дундаа нийгмийн баталгааны талаар хөндөж байна. Тухайлбал уулзалтад байсан 40 орчим алба хаагчдын 90 хувь өөрийн гэр, орон сууцгүй. Түрээсийн байр, хашаа байшин, аав ээжийндээ амьдардаг талаараа ярьж байна. Мөн гадагшаа явж туршлага судлах, олон улсын онцгойгийн техник технологийн хөгжил дэвшлийг мэдэх шаардлага байгаа талаар саналаа хэлэв.
Гамшгийн эрсдэлийг бууруулах нийслэлийн зөвлөлөөс алба хаагчдын нийгмийн баталгаа, гадаад дотоодод сургах, туршлага судлуулах тухайд анхаарч, энэ жилээс тодорхой төлөвлөгөө саналуудыг боловсруулсан. Мөн хувцас, хэрэгслийн хувьд цаг үетэйгээ нийлсэн, орчин цагийн байхад жил бүрийн төлөвлөгөөндөө тусгаж ажиллах болно гэв.
Сэтгэгдэл (0)
Сэтгэгдэл бичигдээгүй байна