Өнгөрсөн жилийн хавар сүр дуулиантай баривчилж, тусгайгийнхны хамгаалалт дор ЭЦГ-т саатуулж байсан “Баян” Базарын хэрэг өнөөдрийг хүртэл нам дарагдсан. Сураг сонсвол сар гаруйн дараа суллажээ. Харамсалтай нь тэрбум төгрөгийн барьцаагаар суллагдсан тэрбээр хамаг юмаа хаян хил даван зугатаж “шувуу” болсон сурагтай.
Түүнийг эзгүй хойгуур Монголын баялгаар дураараа дургисан гадны хөрөнгө оруулалтай охин компанийн удирдлагууд нь үндэсний компаниар хийлгэсэн ажлынхаа хөлсийг ч өгөхгүй доромжлон дээрэлхэж эхэлсэн бололтой.
Дорноговийн Мандах суманд “Мандах нуур”-ын нүүрсний уурхай үйл ажиллагаа явуулдаг. Энэ уурхай нь "Их Говь Энержи" компанийх бөгөөд дуулиант баривчилгаараа гүйцэтгэх захирал Э.Хаш-Эрдэнийг “баян” Р.Базартай хамт баривчлан саатуулсан байдаг. Ийм дуулиант эзэдтэй тус компани нь Их британи, Умард Ирландын нэгдсэн вант улсын хөрөнгө оруулалтай.
Монгол улсад цорын ганц гэж хэлж болох хамгийн том АНТРАЦИТ нүүрсний ордын MV-017196, MV-018548, MV-018775 тоот ашиглалтын тусгай зөвшөөрлүүдийг эзэмшдэг юм.
Тус компани 2012 оноос хойш 13 жил энэ баялаг ордын нүүрсийг зөөж буй атлаа уурхайнхаа гал тогоонд суурилуулсан автомат шүүлтүүрийнхээ үнэ хөлсийг төлөхгүй, үндэсний “ядарсан” компанийг хоёр жил чирэгдүүлжээ. Хөөрхий дөө, үнийн дүн нь Монголын нүүрсийг ухаж, зөөж олж буй хэдэн тэрбум төгрөгийн ашгийнх нь хажууд “шүлс” төдий мөнгө.
Хэд гээч, 15 сая 850 мянган төгрөг шүү дээ. Энэ мөнгө хоёр жилийн өмнө хэдэн ажилчдынх нь хэдэн сарын цалин. Тэр үедээ авсан бол их мөнгө байлаа. Харин одоо мөнгөний ханш яаж унасан байгаа билээ?!
Уг ажлыг хийж гүйцэтгэсэн Б.Чулуунбатын компани 2010 оноос хойш тус компанитай тасралтгүй хамтран ажилласан тул энэ ажилдаа 15 хувийн хөнгөлөлт хүртэл үзүүлэн яаралтайгаар түргэн шуурхай гүйцэтгэн, газар дээр нь хүлээлгэн өгчээ. Уурхайнхан нь одоог хүртэл уг төхөөрөмжөөр усаа шүүн ашиглаж буй аж. Гэтэл өнөөдрийг хүртэл элдэв янзын шалтаг тоочин хоёр жил болжээ. Үүний цаана гадны хөрөнгө оруулалтай энэ компанийн дээрэнгүй хандлага илэрч байгаа бололтой.
БАРИМТЫГ ФОКУСЛАВАЛ: "Их Говь Энержи" ХХК –ийн Монгол Улс дахь бүртгэлийг хайж үзвэл Их Британи Умард ирандын нэгпсэн вант улсын Gobi mining limited 2018 онд вьцаа эзэмшигчээр нь бүртгэгдсэн 2011 онд байгуулагдсан компани юм байна. Эцсийн өмчлөгч нь Раднаабазарын Өнөрцэцэг 2023 онд шинээр бүртгэгдэн гүйцэтгэх захирал нь Ариунбатын дөлгөөн гэдэг хүн энэ оны наймдугаар сард шинэчлэгдсэнийг дараах баримтаас харж болно.
Үргэлжлэлээс өөр олон баримтыг уншаарай
Сэтгэгдэл (1)