ХБХХЕГ, Хөгжлийн бэрхшээлтэй иргэдийн байгууллагуудын “Шүхэр” нэгдсэн бодлогын зөвлөл НҮТББ, ХЗДХЯ болон харьяа байгууллагуудын хамтарсан “Гарц шийдэл” хэлэлцүүлгээс гарсан зөвлөмжийн дагуу Шүүхийн шийдвэр гүйцэтгэх ерөнхий газар, түүний харьяа байгууллагуудад хөгжлийн бэрхшээлтэй хүний эрхийн талаарх ойлголтыг нэмэгдүүлэх чиглэлээр сургалтыг үе шаттайгаар зохион байгуулж байна.
Энэ хүрээнд 2025 оны 03 дугаар сарын 11-ний өдөр ШШГЕГ-ын 100 гаруй албан хаагчдад МХБИБ-уудын Үндэсний холбооны ерөнхийлөгч Ц.Оюунбаатар “Хөгжлийн бэрхшээл ба хүний эрх” сэдэвт сургалтыг танхимаар болон цахимаар, 2025 оны 03 дугаар сарын 19-ний өдөр ШШГЕГ-ын харьяа “Амгалан” мэргэжлийн боловсролын сургуулийн 11 удирдлага, багш нарт ХБХХЕГ-ын мэргэжилтэн Х.Сансармаа “Хөгжлийн бэрхшээлийн талаарх ойлголт хандлага, хууль эрх зүйн орчин” сэдэвт сургалтыг танхимаар тус тус зохион байгуулаад байна.
