Том болсон гэдгээ эцэг эхдээ хэрхэн ойлгуулах вэ? #Tips4 /Цуврал 2 /

Хүүхдүүд нь эцэг эхдээ үргэлж жаахнаараа харагддаг болохоор том болчихоод байхад чинь жаахан охинтой харьцаж байна гэж бодсон хэвээр байдаг. Хэдий аав ээжүүд минь бидэнд сэтгэл зовсондоо, хайртайдаа л ингэж байгааг нь мэддэг ч өмнөөс минь шийдвэр гаргах гээд байдаг нь заримдаа бухимдал төрмөөр шүү.

Миний хувьд багаасаа харьцангуй өөрөө шийдвэр гаргадаг байсан. Ээж ааваасаа хол сурдаг байснаас гадна хувь хүний минь сонирхол өөрөө дураараа, сониуч, эрх чөлөөтэй хандлагатай байсан. Тиймээс миний хувьд том болсон ч гэсэн шийдвэр гаргах тал дээр эцэг эх маань оролцдоггүй ч алдахвий гэж санаа зовсондоо хажуугаас зөвлөдөг тийм л энгийн  тогтолцоотой. Гэтэл яг хажууд минь байдаг найзын хувьд багаас нь ээж аав нь хэтэрхий их анхааралдаа байлгаж өөрөөр нь чөлөөтэй шийдвэр гаргуулдаггүй байсан учраас одоо нөхөртэй хүүхэдтэй болж тусдаа гарсан ч амьдралд шийдвэр гаргахдаа ээж ааваасаа эмээсэн, загнуулахаас айсан байдалтай байсаар  л байдаг. Эцэг эх нь тэрнийг том болсон гэдэгтэй санал нийлэхгүй, хүлээн зөвшөөрөхгүй байсаар л байна. Энэ нь эргээд хүүхэд тань нийгмийн амьдралд оролцоход асуудал үүсгэдэг гэдгийг эцэг эхчүүд бодолцож байгаасай. Мөн хүүхдүүд бид ч бас ээж аавдаа зөвөөр ойлгуулж хүлээн зөвшөөрүүлэхийг хичээж, дараах зүйлсийг туршаад үзээрэй гэж зөвлөмөөр байна.

 Том болсон гэдгээ эцэг эхдээ хэрхэн ойлгуулах вэ? 

Хэрвээ чи заяаныхаа ханьтай учраагүй байгаа бол үүнийг алгасаж болно. Харин энэ насны чиний хувьд хүний эхнэр/нөхөр болоод тусдаа гарах цаг болсныг минь хараад бас нэгэн дохио авах байх. Хайрттайгаа учраад хамт амьдрахаар шийдсэн бол  түүнийгээ шуудхан хэл. Яаж амьдрах, хаана амьдрах гээд бүх төлөвлөсөн зүйлсээ хэлж таныг эмээ болгох насны том хүн болсон гэдгээ үйлдлээрээ харуулах хэрэгтэй . Тэгвэл тэд таниас “Хэзээ хүүхэдтэй болох юм? Нас чинь оройтлоо” гээд л хүүхэд нэхдэг, эсвэл олон хүн санал болгохоо  болино.

2. Тусдаа гарчихсан юм чинь амьдралаа авч явж чадна гэдгээ харуулах хэрэгтэй

Тусдаа гармагц мэдээж олон асуудалтай тулгарна. Мөнгөгүй болох гэдэг хамгийн муухай бас хамгийн том шалгуур. Чадна гэж тусдаа гарчихаад шинэ хувцас аваад өмсөх ч чадалгүй байж болохгүй. Тиймээс хэдий дөнгөж шинэ ажилтан, цалин мөнгө муу байсан ч гэрийнхэн дээрээ очихдоо заавал нэг дуртай зүйлийг нь авч очих гэх мэтээр чадаж байгаа гэдгээ тойруу аргаар ойлгуулах хэрэгтэй. Бас гэртээ ийм ийм юм авсан, хоол ундандаа ийм ногоо хэрэглэж байгаа зүгээр юм байна лээ гэх зэргээр уулзах болгондоо ярьдаг байвал тус болно байх.

3. Өөрөөсөө өөр зүйл халамжил

Зүйл гэж хэлж байгаа нь хэрвээ чи хүнтэй сууж, хүүхэдтэй болох төлөвлөгөөгүй байгаа бол тэжээвэр амьтан худалдаж авч болно. Түүнийгээ сайтар асарч халамжлан өсгөвөл магадгүй чамайг өөрөөсөө өөр зүйлд санаа тавьж, халамжилж чадаж байгааг хараад нэгийг бодож мэдэх юм.

4. Гэрээ зас

Яг одоогоор ээж чинь чамайг өөрийгөө ч засаагүй байгаа гэж бодож байгаа. Харин чи өөрийгөө засчихаад гэрээ засах чадал, ухаантай болсон гэдгээ харуулж болно. Цалингаа цуглуулж байгаад гэртээ засвар хийх эсвэл ганцаараа ч гэсэн тусдаа гарах төлөвлөгөө гаргаж болно. Ингэвэл чамайг үнэхээр өөрийнхөө чадлаар амьдралаа бүтээж чадах юм байна гэдэгт бүрэн итгэж эхэлнэ. Гэхдээ энэ бол дээр санал болгосон аргуудыг бодвол өргөн хүрээтэй учраас сайтар бодож үзээрэй.