Цахим сургалтын төлбөрийг хөнгөлөх зорилготойгоор оюутан залуус нэгдэн шаардлага хүргүүллээ

Админ

2021/01/20

Оюутан залуус сайн дураар нэгдэж Монголын оюутны эрхийг хамгаалах хөдөлгөөнийг өрнүүлж байна. Нам, эвсэл, ТББ, оюутны холбоо, оюутны зөвлөлтэй ямар ч холбоогүй эдгээр оюутны төлөөллүүд цахим сургалт болон танхимын сургалтын зөрүүг тооцож хөнгөлөлт үзүүлж, төлбөрт уян хатан хандахыг шаардаж байгаа юм. БШУЯ болон их, дээд сургуулиудын захиргаанд дараах шаардлагыг хүргүүлэхээр бэлджээ.

Үүнд:

Цахим болон танхимийн сургалтын зөрүүг гаргах, тус зөрүүг оюутнуудад буцаан олгох, эсвэл 2020-2021 оны хичээлийн жилийн II улирлын төлбөрт шилжүүлэх,
Сургалтын төлбөр төлөлтийг уян хатан байдлаар шийдвэрлэх /хоёроос гурав хувааж төлөхөөр зохицуулах/
Цахим хичээлийн чанарыг сайжруулан бэлтгэх,
Сургуулийн санхүүгийн дотоод тайланг оюутнуудад ил тод болгож зарцуулалтаа тайлагнах / нэг кредитийг төлбөрийн задаргааг дэлгэрэнгүй гаргаж өгөх/-ийг тус тус хүсэж байна.

Бид хөдөлгөөний хувьд болон Монгол Улсын иргэн, их, дээд сургуулиудын оюутнуудын хувьд энэхүү шаардлагыг хүргүүлсэн болно” гэжээ. Одоогийн байдлаар тус хөдөлгөөн 49 их, дээд сургуулийн 20,000 орчим оюутан залуус нэгдээд байна.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ

Э.Батшугар: Төр өөрт байгаа мэдээллийг иргэд, ААН-ээс нэхэх ёсгүй

8 цаг