БАРИМТЫГ ФОКУСЛАНА.

Мэргэжлээ чөлөөтэй сонгох эрхийг хангасан парламентын шийдвэр

С.Жамъяаннацаг
2025/06/17

Монгол Улсын Их Хурал 2025 оны 04 дүгээр сарын 11-ний өдөр Өмгөөллийн тухай хуулийн зарим заалтыг хүчингүй болгох тухай хуулийн төслийг хэлэлцэн баталсан. Энэхүү өөрчлөлтөөр хуульч нь өмгөөлөгчийн шалгалтад орохдоо тодорхой ажил, албан тушаалаас чөлөөлөгдсөн байхыг шаарддаг зүй бус хязгаарлалтыг хүчингүй болгосноор хуульчийн мэргэжлээ чөлөөтэй сонгох эрхийг хангах нөхцөл бүрдэв.

Энэ хуулийн 15.1.12, 15.1.13-т заасан өмгөөллийн үйл ажиллагаа хавсран эрхэлж болохгүй ажил, албан тушаал эрхэлж байгаа бол шалгалтад оруулахаас татгалзахаар тусгасан нь өмгөөлийн үйл ажиллагаа эрхлэх эсэх нь тодорхойгүй байхад хуульч өөрийн эрхэлж буй ажлаас чөлөөлөгдөхийг шаардсан хуульчийн мэргэжлээ чөлөөтэй сонгох, хөдөлмөр эрхлэх үндсэн эрхийг хэт хязгаарлаж, хүний эрхэд нийцээгүй зохицуулалт болсон хэмээн хуулийн төсөл санаачлагч үзэн хуулийн төслийг Улсын Их Хуралд өргөн мэдүүлсэн юм.

Уг заалтын улмаас 2023 онд гэхэд өмгөөллийн эрх авах хүсэлт гаргасан 283 хуульчаас 45 хуульч шалгалтад орох боломжгүй болж, урьдчилсан шалгуураар хасагдаж байжээ.

Энэхүү асуудлаар хуульчид болон иргэдийн зүгээс Үндсэн хуулийн цэцэд удаа дараа гомдол гаргаж байсан бөгөөд Үндсэн хуулийн цэцийн 2022 оны 02 дугаар дүгнэлтээр тухайн заалт нь Үндсэн хууль зөрчөөгүй гэж дүгнэсэн боловч, уг хуулийн заалт Үндсэн хуульд заасан ажил мэргэжлээ чөлөөтэй сонгох эрхийг хязгаарласан байх магадлалтай гэсэн байна.

Улсын Их Хурлын гишүүн Г.Уянгахишиг Монгол Улсын Их Хурал хууль тогтоогчийн хувьд хуулийн холбогдох зохицуулалтыг засах нь зүйтэй гэсэн үндэслэлээр Өмгөөллийн тухай хуулийн 8 дугаар зүйлийн 8.6.3 дахь заалтыг хүчингүй болгох тухай хуулийн төслийг  санаачилж, 2025 оны 03 дугаар сарын 17-ны өдөр Улсын Их Хуралд өргөн мэдүүлсэн юм. Тэрбээр, өмгөөллийн үйл ажиллагаа эрхлэх хүсэлтэй хуульч нь шалгалтаа амжилттай өгч, өмгөөллийн үйл ажиллагаа эрхлэх боломжтой болсон нөхцөлд өмнөх ажлаасаа чөлөөлөгдөх учиртай болохоос, шалгалтад орохын тулд урьдчилан ажил, амьдралаа орхино гэдэг нь хүний эрхийг хэт хязгаарлаж байна. Хэрэв шалгалтад тэнцээгүй нөхцөлд тухайн хүн ажил, амьдралаараа хохирох нөхцөл үүснэ. Цаашид ч ийм логик зөрчилтэй заалтуудыг нэг бүрчлэн засах ёстой гэж үзэж байна хэмээсэн.

Энэ хуулийн өөрчлөлт нь Монгол Улсын Их Хурлын 2024-2028 оны стратеги төлөвлөгөөнд туссан хүн төвтэй, эрх зүйт, хариуцлагатай парламентын “Гурван төгөлдөршил” бодлогын биелэлтийн бодит үр дүнгийн жишээ болж буйг тэрбээр тодотголоо.  


0
angry
0
care
0
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Б.Баасандорж: Би өмнөх жишиг биш хууль ярьж, гэрчээр оролцсон 13 цагийн өмнө
​Нийт нутгийн тав хоногийн урьдчилсан мэдээ 13 цагийн өмнө
ХҮҮХДИЙН ОРДНЫ БАРУУН ХОЙД УУЛЗВАРТ ЯВГАН ХҮНИЙ ГАРЦ НЭМЭГДҮҮЛЭХЭЭР СУДАЛЖ БАЙНА 13 цагийн өмнө
Морингийн даваанд 10 га газарт эрчим хүч гаргах үйлдвэрийг 2026-2028 онд барина 15 цагийн өмнө
Ц.Даваасүрэн:Бид төрөөрөө тоглож болохгүй, самарч болохгүй. 15 цагийн өмнө
​П.САЙНЗОРИГ: Засгийн газар төрийн эрх мэдлийг хууль бусаар авах оролдлогыг бусад инстуцтэй хамтран хүч түрэн хийж байна 15 цагийн өмнө
ГЭРЧИЙН МЭДЭЭЛГЭЭР ҮРГЭЛЖИЛСЭН Ч УИХ-ЫН 2 ГИШҮҮН ГЭРЧЭЭР МЭДҮҮЛЭГ ӨГӨХӨӨС ТАТГАЛЗАВ 16 цагийн өмнө
Шатахууны 30 хоногийн нөөц бүрдүүлэхэд шаардлагатай санхүүжилтийг хөнгөлттэй зээлээр олгоно 17 цагийн өмнө
Гэр хорооллын дахин төлөвлөлтөд хамрагдсан иргэд “Ногоон нуур 1008 айл”-ын орон сууцанд орно 17 цагийн өмнө
Х.Булгантуяа: Гаргаагүй шийдвэрийн төлөө Цэцэд хандсан 19 цагийн өмнө
ЦЕГ: 17 этгээд 26 удаагийн үйлдлээр 562 мал хулгайлжээ 19 цагийн өмнө
НИЙСЛЭЛИЙН ТЭТГЭЛЭГТ ХӨТӨЛБӨРИЙН ЭХНИЙ ШАТНЫ ШАЛГАРУУЛАЛТАД 848 ОЮУТАН МАТЕРИАЛАА ИРҮҮЛЛЭЭ Өчигдөр
Тэтгэврийг холимог мөнгөн дүнгээр нэмэгдүүлэх саналыг гаргажээ Өчигдөр
Х.Нямбаатар: Энэ онд 5000 өрх, ирэх онд 50 мянган өрхийн гэр, байшинг дулаалж, хийн түлшинд шилжүүлнэ Өчигдөр
Согтуу хүмүүс маргалдаж, нэгийгээ зам руу түлхснээс машинд дайруулж, амиа алджээ Өчигдөр
“Шахмал түлш худалдаа, авна, зарна” гэх зарын дагуу холбогдож залилуулжээ Өчигдөр
BLOOMBERG: Ерөнхийлөгчийн хориг хөрөнгө оруулагчдын итгэлийг алдагдуулах эрсдэлтэй болоод байна Өчигдөр
Г.Дамдинням: Зарим үед нийтэд хүртээмжтэй байх үүднээс хязгаарлалттай олгохоос өөр аргагүй Өчигдөр
Цэц Монголын засаглалын хувь заяаг шийдэх гэж байна Өчигдөр
Нисэхийн тойргоос тэмээтэй хөшөө хүртэл нэгдүгээр эгнээг чөлөөлж нийтийн тээвэр явуулна Өчигдөр