УИХ-ын гишүүн, Гэр бүл, хөдөлмөр, нийгмийн хамгааллын сайдын үүрэг гүйцэтгэгч Л.Энх-Амгалан өөрийн ажилласан 10 сарын ажлаа тайлагналаа.
Тэрээр: Миний бие Гэр бүл, хөдөлмөр, нийгмийн хамгааллын сайдаар ажилласан 10 сарын хугацаанд хийсэн онцлох ажлын товчоо та бүхэндээ хүргэж байна.
Хэдий богино хугацаа ч бодлогын олон ажлыг хэрэгжүүлж, асуудлыг үндэс сууриар нь шийдэх зөв тогтолцоо, зөв шийдлийг илэрхийлж, салбарын тулгуур 7 хуулийн төслийг уялдаа холбоотой боловсруулж УИХ-ын чуулганд өргөн барихаар бэлэн болголоо.
- Гэр бүл, хөдөлмөр, нийгмийн хамгааллын салбарт анх удаа системийн шинжилгээ хийсэн
- Хуваарилалтаас хагас хуримтлалын тогтолцоонд шилжих ТЭТГЭВРИЙН РЕФОРМЫГ ЭХЛҮҮЛЛЭЭ.
- Гэр бүл, хөдөлмөр, нийгмийн хамгааллын сайдаар томилогдсон даруй ПРОКУРОРТ албан ёсоор гомдол гаргаж, 53 тэрбум төгрөгийг мөнгө болон хөрөнгөөр барагдуулж, нийгмийн даатгалын санд төвлөрүүлсэн
- Нийгмийн даатгалын сангийн чөлөөт үлдэгдэл 700 тэрбум төгрөгийг системийн нөлөө бүхий 4 банканд мөнгөн хадгаламж хэлбэрээр байршуулж, 105 тэрбум төгрөгөөр өсөх боломжийг бүрдүүлсэн.
- Сум, хороо бүрд хүүхэд, гэр бүлийн нийгмийн ажилтан ажиллаж эхэллээ
- Хүүхдийн байгууллага, хөдөлгөөн үүсэж, хөгжсөний 100 жилийн ойг тэмдэглэлээ
- Донор байгууллагуудын уулзалтыг зохион байгууллаа
- Ипотекийн зээлийн тогтолцооны шинэчлэлийг эхлүүллээ
- Хүн бүрийн ур чадвар, онцлогт нийцсэн ажлын байранд зуучлах JobCenter төвийг нээлээ
- Үйлдвэрлэлийн ослоос урьдчилан сэргийлдэг, хөдөлмөрийн чадварыг нь нөхөн сэргээдэг үндэсний тогтолцоог бэхжүүлнэ
- Их өгөгдөл бий болгон нийгмийн хамгааллын үйлчилгээг шинэчлэх ажлыг эхлүүллээ
- Хүн ам, хөдөлмөр, нийгмийн хамгааллын сургалт судалгааны хүрээлэнг эрдэм шинжилгээний байгууллага болгов
Хамгийн сайн халамж хөдөлмөр эрхлэлт уриан дор 2025 оныг ХӨГЖЛИЙН БЭРХШЭЭЛТЭЙ ИРГЭДИЙН ХӨДӨЛМӨР ЭРХЛЭЛТИЙГ ДЭМЖИХ ЖИЛ болгон зарлаж, 6 төсөл, арга хэмжээг хэрэгжүүлж эхэллээ.
