Өмнөд Солонгосын алдарт BTS хамтлагийн үнэнч фэнүүд буюу Арми нарын хувьд маш чухал сар болж байгаа билээ. Зөвхөн Арми нар ч гэлтгүй Kpop ертөнцийн хувьд ч хүлээлт өндөр сар болж байна.
Учир нь BTS хамтлаг Үндсэн хуульд заасан үүргээ биелүүлэхээр цэргийн албанд татагдаж, хоёр гишүүн нь албаа амжилттай хааж ирсэн бол үлдсэн таван гишүүн энэ сард халагдах юм.
Хамтлагийн ахмад гишүүн JIN 2022 оны 12 сард цэргийн албанд татагдан 2024 оны 6-р сарын 12-нд халагдсан. Халагдсанаасаа хойш тэрээр шинэ цомог гаргаж, олон нэвтрүүлэгт оролцож, дахин фэнүүдийнхээ хайр хүндэтгэлийг хүлээсээр байгаа юм.
Түүний дараа J hope 2024 оны 10-р сарын 17-нд цэргийн албанаас чөлөөлөгдөж мөн л аялан тоглолтоо эхлүүлсэн билээ.
Тэгвэл үлдсэн таван гишүүн болох RM, V, Jimin, Junkook, Suga нар энэ сард халагдах юм.
Тодруулбал, RM, V хоёр 6 сарын 10-нд, Jimin, Junkook хоёр 6 сарын 11-нд, Suga 6 сарын 21-нд халагдахаар байгаа юм.
Тэд цэргээс халагдсан ч хамтлагийн эргэн ирэлтийг 2026 он хүртэл хойшлогдож магадгүй гэдгийг зарим эх сурвалжууд мэдээлжээ.
Мөн BTS хамтлагийн 12 жилийн ойг тэмдэглэх “BTS FESTA” арга хэмжээ 6-р сарын 13-14-нд зохион байгуулагдах бөгөөд Jin болон J-Hope нар уг үйл ажиллагааг эхлүүлжээ
