Б.ЖАВХЛАН: 500 мянган төгрөг хүртэлх худалдан авалтыг НӨАТ-аас чөлөөлнө

Засгийн газрын хуралдаанаас Татварын шинэчлэлийн талаар гарсан шийдвэрийг Сангийн сайд Б.Жавхлан мэдээллээ.  Түүний ярьсныг фокуславал,

• Иргэдийн сарын 500 мянган төгрөг хүртэлх худалдан авалтын 100 хувь
• 800 мянган төгрөг хүртэлх худалдан авалтыг 50 хувь
• 800 мянгаас дээш худалдан авалтыг хуучнаараа 20 хувиар тус тус НӨАТ-аас хөнгөлнө.

Ингэснээр НӨАТ уншуулж худалдан авалт хийсэн нийт иргэдийн 51 хувь нь бүрэн чөлөөлөгдөх бол  20 хувь нь 50 хувийн буцаан олголт авч, үлдсэн 27 орчим хувь нь хуучнаараа төлж, нийт иргэдийн 70 хувь нь НӨАТ-аас 50-100 хувь бүрэн чөлөөлөгдөх юм байна.

Татварын шинэчлэл хийгдэж шаталсан НӨАТ-ын тогтолцоо руу шилжсэнээр бүртгэл сайжирч, хөдөлмөр эрхэлж буй бүх иргэдийн хөдөлмөрийн хөлсний доод хэмжээтэй тэнцэх буюу сарын 800 мянган төгрөг хүртэлх орлогыг  100 хувь хүртэл хөнгөлж, татвар төлөхгүй аж. Өөрөөр хэлбэл иргэдийн 45 хувь нь татвараас шууд чөлөөлөгдөнө гэв.