Тээврийн цагдаагийн албанаас улсын хэмжээнд “Автотээврийн үндэсний төв” ТӨҮГ-тай хамтарч зөрчилгүй тээврийн хэрэгслийн жолооч аяны хүрээнд “Тээврийн хэрэгслийн техникийн бүрэн бүтэн байдал” хэсэгчилсэн арга хэмжээг зохион байгуулж байна.
Энэ арга хэмжээний гол зорилго нь олон улс болон улсын чанартай авто замаар хөдөлгөөнд оролцож байгаа тээврийн хэрэгслүүдийн бүрэн бүтэн байдалд хяналт тавих, стандартад заагдсан хэмжээнээс илүү ачаа ачиж тээвэрлэлт хийж байгаагаас шалтгаалан зорчих хэсэгт эвдрэл, гэмтэл үүсэхээс урьдчилан сэргийлэх, иргэдийн хууль, эрх зүйн мэдлэгийг дээшлүүлэх зорилгоор зохион байгуулагдаж байна.
Та бүхэн том оврын тээврийн хэрэгслээр замын хөдөлгөөнд оролцохдоо, 1. Тээврийн хэрэгслийн техникийн тодорхойлолтоор тогтоосон жин тонн даац хэтрүүлэхгүй байх,
2. Тээврийн хэрэгслийн гурван талд зориулалтын цацруулагчтай туузан наалт наах
3. Арын болон оврын гэрэл, улсын дугаарын болон тоормсны гэрэл гэрэлтүүлэх хэрэгслийн бүрэн бүтэн байдлаа хангах,
4. Түр болон удаан хугацаагаар зогсох бол заавал зорчих хэсгийг бүрэн чөлөөлөх,
5. Шөнийн цагаар холын гэрэлээ ойрын гэрэлд шилжүүлж хөдөлгөөнд оролцох,
6. Хийн тоормстой бол хийн даралтаа тогтмол шалгаж байх,
7. Зайлшгүй зогсолт хийсэн тохиолдолд ослын зогсолтын тэмдэгээ дүрэмд зааснаар байрлуулж аюулгүй байдлаа хангах бүх нахцлийг бүрдүүлэх,
8. Асгарах, урсах төлвийн ачаа тээвэрлэх бол ачааны бүтээлэг, татлага зэргээр унах асгарах эрсдлээс сэргийлэхийг цагдаагийн байгууллагаас зөвлөж байна.
