Дорноговь аймгийн Хатанбулаг сумын нутагт өнөөдөр буюу дөрөвдүгээр сарын 15-ны 02:05:57 цагт 4.7 магнитудын хүчтэй газар хөдөлжээ. Газар зүйн байршил (Өргөрөг, Уртраг): 43.01 109.29 байсныг ОБЕГ-аас мэдээллээ.
Тус сумын Засаг даргаас тодруулахад газар хөдлөлтийн чичирхийлэл иргэдэд бага зэрэг мэдрэгдсэн, учирсан хохирол байхгүй гэдгийг хэлжээ.
Газар хөдлөлтийн хүчийг найман магнитуд, 12 баллын үнэлгээ шаталбараар үнэлдэг. Магнитуд гэдэг нь хөрсөн доор, газар хөдлөлт болж байгаа төв хэсгийг хэмжиж байгаа үзүүлэлт юм. Харин газрын хөрсөн дээр буюу хүнд болон барилга байгууламжид мэдрэгдэж байгааг баллаар хэмждэг.
