“Төрийн байгууллагад эрсдлийн удирдлагыг хэрэгжүүлэх нь” хэлэлцүүлэг 2025 оны 02 дугаар сарын 25-ны өдөр Улаанбаатар зочид буудлын Их танхимд зохион байгуулагдана.
Хэлэлцүүлэгт 130 гаруй төлөөлөл оролцох бөгөөд Монгол Улсын Засгийн газар, яам, агентлагууд, төрийн өмчит үйлдвэрийн газрууд, олон улсын болон судалгаа шинжилгээний байгууллагууд, хувийн хэвшлийн төлөөлөгчид оролцоно.
Оролцогчид баримт бичгийн төсөлд тусгах санал, эрсдэлийн удирдлагын тогтолцоог бэхжүүлэхэд тулгамдаж буй асуудлын хүрээнд санал, шүүмж, дүгнэлтээ танилцуулахаас гадна эрсдэлийн удирдлагын сайн туршлага, хүндрэл бэрхшээл, хэрэгжүүлэх арга хэмжээг хэлэлцэнэ.
