Онцгой байдлын алба хаагчид, тэдний үүрэг хариуцлага ач гавьяа зүйрлэшгүй өндөр билээ. ҮҮНИЙГ ХҮН БҮХЭН МЭДДЭГ, ТЭДЭНДЭЭ ТАЛАРХДАГ.
Аливаа гамшиг осол, ган зуд, гал түймэр, гэнэтийн аюул тохиолдоход хамгийн эхэнд бэлэн байдаг, авран хамгаалдаг, эрсдэлтэй шууд нүүр тулдаг хүнд алба. Тэгвэл энэхүү байгууллагын удирдах ажилтнууд 2025 оны зорилго чиглэл, хийж хэрэгжүүлэх ажлын төлөвлөгөөгөө хэлэлцэж байна.
Тус цугларалтад Монгол Улсын Шадар сайд С.Амарсайхан оролцож, Онцгой байдлын байгууллагын удирдлагуудад үүрэг даалгавар өглөө. Ингэхдээ олон чиглэлээр үүрэг өгсний дотор 3 чухал сэдвийг хөндсөнийг хүргэе.
1. ХЭРВЭЭ ХАВСАРСАН ГАМШИГ ТОХИОЛДВОЛ ЯАХ ВЭ?
Тухайлбал гэнэтийн газар хөдлөлт, түүнээс үүдэлтэй тог цахилгаан тасарсан зэрэг хавсарсан гамшгийн нөхцөл байдал үүссэн үед хэрхэн ажиллах талаарх төлөвлөгөөг боловсруулж танилцуулах, эрэн хайх аврах үйл ажиллагааг сайжруулах,
2. ЭНЭ ЖИЛ ЦАС БАГАТАЙ, ХУУРАЙШИЛТ ИХТЭЙ БАЙГАА ТУЛ ГАЛ ТҮЙМРИЙН АЮУЛД БЭЛТГЭХ ХЭРЭГТЭЙ.
Нийт нутаг дэвсгэрийн зарим хэсэгт хуурайшилт өндөр байгаатай холбогдуулан ой, хээрийн гал түймрээс урьдчилан сэргийлэх, эрсдэлийг бууруулах, тэмцэх зорилгоор шуурхай хөдөлгөөнт бүлэг томилж ажиллуулах,
3. ОНЦГОЙ БАЙДЛЫН АЛБА ХААГЧДЫН НИЙГМИЙН БАТАЛГАА, АЮУЛГҮЙ БАЙДЛЫГ БҮРЭН ХАНГАХ.
Алба хаагчдын нийгмийн баталгааг хангах чиглэлээр үе шаттай бодлого, шийдвэрийг гаргаж, эрэн хайх, аврах багаж, техник, ажиллагаанд технологийн дэвшлийг цаг алдалгүй нэвтрүүлж, алба хаагчдын аюулгүй байдлыг бүрэн хангаж ажиллахыг нэн тэргүүнд тавих ёстойг анхаарууллаа
