Согтуугаар автомашин жолоодож 30 хоног саатуулагдаад суллагдсан рэппер Roockie "Болдоггүй" хэмээх шинэ дуугаа youtube.com хуудсаараа дамжуулан цацжээ. Тэрээр өнгөрсөн арванхоёрдугаар сарын 18-нд согтуугаар автомашинаа жолоодон "намайг барь" хэмээн цагдаа нараар тохууран цахим хуудастаа пост оруулсан юм.
Рэппер Roockie буюу У.Мөнхбагана шинэ дуугаараа дамжуулан хайртай хүмүүсээсээ уучлал хүсжээ.
Тухайлбал, эхнэртээ зориулан
"...Цадиггүй залуу насыг минь чи тэвчиж хайрласан
Өвдөлт шаналал, нулимс бүрийг чи дотогшоо залгисан амьд цагтаа бие минь чинийх
Хорвоог орхивол сүнс минь чинийх
Хоронд орж хүний үгэнд орж бүгдийг би нураасан
Тэр бүгдийг үнэн ч хайраар чи буцаасан..." хэмээн дуулжээ.
