Энэ өвөл цас бага орсны улмаас хаврын улиралд хуурайшилт ихтэй байх төлөвтэй байгаа тул үүнд бэлэн байхыг анхаарууллаа.
Ой хээрийн болон обьектын гал түймэр гарах магадлал ирж буй хаврын улиралд урьд өмнөх жилүүдээс ч илүү байж мэднэ гэдгийг Шадар сайд С.Амарсайхан Онцгой байдлын ерөнхий газрын дарга, удирдлагуудыг дуудаж, тусгайлан үүрэг даалгавар өгөх үеэрээ онцгойлон сануулсан байна.
АНУ-ын Лос Анжелос хотноо болж буй аймшигт түймрийн аюулыг алс гэж тайвшрах биш, харин энэ өвлийн орсон цасны байдлаар ирэх хаврын болзошгүй эрсдлийг ийнхүү тооцож, бүх талын бэлэн байдлыг хангаж, урьдчилан сэргийлж, ард иргэд, айл өрхийн сонор сэрэмж, ойлголт мэдлэгийг эртнээс хангаж ажиллахыг үүрэг болголоо.
