Ажилгүйдлийн даатгалын тэтгэмжийг 2025 оны нэгдүгээр сард багтаан бүрэн олгоно гэдгийг Гэр бүл, хөдөлмөр, нийгмийн хамгааллын яамнаас мэдээллээ. Тодруубал, ажил олгогч, ажилтан ажилгүйдлийн даатгалын санд 0.7 (0.5;0.2) хувийн шимтгэл төлдөг. Даатгуулагч нийт 24 сар, үүнээс сүүлийн 9 сард тасралтгүй ажилгүйдлийн даатгалд хамрагдсан бол тэтгэмж авдаг. Энэхүү тэтгэмжийг хуульд зааснаар ажлын 76 хоногийн хугацаанд хуваан олгодог.
2025 онд ажилгүйдлийн даатгалын санд 143 тэрбум төгрөг төсөвлөсөн бөгөөд 2024 онд өглөг үүсгэсэн зарим хүний тэтгэмжийг энэ сард бүрэн олгох аж.
Дашрамд дурдахад, ажилгүйдлийн даатгалын сангаас 2024 онд ажилгүй болсон 30.8 мянган даатгуулагчид 137 тэрбум төгрөгийн тэтгэмж олгожээ.
