БАРИМТЫГ ФОКУСЛАНА.

Хавдрын шинэ эмнэлгийг Баянголын аманд барина


Ерөнхийлөгч У.Хүрэлсүх Хавдар судлалын үндэсний хоёрдугаар төв барих газарт ажиллажээ.

Хавдрын урьдчилан сэргийлэлт, оношилгоо, эмчилгээ, эрдэм шинжилгээ сургалтын цогцолбор бүхий хоёрдугаар төвийг Сонгинохайрхан дүүргийн 34 дүгээр хороо, Баянголын аманд 2-3 жилийн дотор ашиглалтад оруулахаар төлөвлөж байна.

Нийт 15 газарт, 95 мянган м.кв талбай бүхий энэ төвийн дэд бүтцийг барихад шаардагдах хөрөнгийг энэ оны улсын төсөвт тусгасан. Мөн төвд ажиллах 1,500 эмч, ажиллагсдыг ирэх сараас АНУ-ын Ютагийн их сургуультай хамтран сургаж эхлэх юм.

Ерөнхийлөгч Ухнаагийн Хүрэлсүх хавдрын өвчлөлөөс урьдчилан сэргийлэх, нас баралтыг бууруулахад чухал хувь нэмэр оруулах энэ төвийг аль болох богино хугацаанд барьж, ашиглалтад оруулахын төлөө хичээж ажиллахыг захилаа.

Ерөнхийлөгч өмнө нь захирамж гарган, Хавдар судлалын үндэсний хоёрдугаар төвийг барихад дэмжлэг үзүүлэх Ажлын хэсэг байгуулсан.

Ерөнхийлөгчийн ахлах зөвлөх Н.Хүрэлбаатар тэргүүтэй Ажлын хэсэгт Сангийн сайд Б.Жавхлан, Эрүүл мэндийн сайд Т.Мөнхсайхан, УИХ-ын гишүүн Ж.Чинбүрэн, Н.Алтаншагай, Л.Мөнхбаясгалан, Засгийн газрын Хэрэг эрхлэх газрын дэд дарга У.Бямбасүрэн, Эдийн засаг, хөгжлийн яамны Төрийн нарийн бичгийн дарга И.Батхүү, Цөмийн энергийн комиссын нарийн бичгийн дарга Г.Манлайжав, АШУҮИС-ийн захирал Б.Дамдиндорж, Хавдар судлалын үндэсний төвийн ерөнхий захирал Н.Эрдэнэхүү нар багтсан юм.

Ажлын хэсэг хоёрдугаар төвийн бүтээн байгуулалтыг мэргэжил, арга зүйгээр хангаж, дэмжлэг үзүүлнэ. Мөн хавдар үүсгэж байгаа шалтгаан, нөхцөлийг таслан зогсоох, салбар дундын үүрэг, хариуцлагыг нэмэгдүүлэх, олон улсын жишигт нийцсэн тусламж, үйлчилгээг чанартай, хүртээмжтэй хүргэх чиглэлээр ажиллана.

Манай улсад жилд 7,000 хүн хорт хавдраар өвчилж, 4,500 хүн нас бардаг бөгөөд байдал энэ хэвээр үргэлжилбэл 2040 он гэхэд өвчлөл хоёр дахин нэмэгдэнэ гэсэн тооцооллыг ДЭМБ хийгээд байна.

Хавдрын шалтгаант нас баралт нийт нас баралттай харьцуулахад дэлхийд 17 хувьтай байхад манайд 24 хувьтай төдийгүй, хорт хавдраар өвдсөн иргэдийн 70 орчим хувь нь хожуу шатандаа оношлогддог.


0
angry
0
care
0
haha
0
liked
0
love
0
sad
0
wow

Шинэ мэдээ
Узбекистан Улсын Ерөнхий сайд Абдулла Ариповт бараалхлаа 4 цагийн өмнө
“WBA” холбооны төв Азийн аваргын бүсний төлөөх "Night of Champions, Ulaanbaatar-2025" тэмцээн энэ сарын 15-нд болно 21 цагийн өмнө
Өнөөдрөөс нөөцийн мах борлуулж эхэллээ 22 цагийн өмнө
Ирэх сарын 1-ээс автобусанд хугацаатай картаар зорчих боломжгүй болно 22 цагийн өмнө
1-р хороолол, Толгойт, Яармагт агаарын бохирдол хамгийн их байна Өчигдөр
Салхи секундэд 13-15 метр хүрч ширүүснэ Өчигдөр
ЦЕГ: Хохирогчдын мэдээллийг нийтэд цацсан албан тушаалтанд хариуцлага хүлээлгэнэ Өчигдөр
Баян-Өлгий, Завхан, Увс аймгуудад зудын эрсдэл өндөр байна Өчигдөр
БЗД-д бүртгэгдсэн менингококкт халдварын сэжигтэй тохиолдлын хариу сөрөг гарлаа Өчигдөр
"О&К констракшн” ХХК-ийн ажилтнуудыг сургалтад хамруулав Өчигдөр
1-11 насны гурван хүүхэд, 37 настай эрэгтэйн хамт галд өртөж амиа алджээ 2025/02/06
Чингис хаан нисэх онгоцны буудлын замд өчигдөр 6 машин мөргөлджээ 2025/02/06
ҮЙЛ ЯВДАЛ: Татварын багц хуулийн шинэчлэлтэй холбоотой уулзалт болно 2025/02/06
Өглөөний 09 цагийн байдлаар Улаанбаатарт мэдрэгдэх температур -32 байна 2025/02/06
Сэрэмжлүүлэг: Маргаашаас хүйтний эрч улам чангарна 2025/02/05
Өвлийн уралдаанд 18 нас хүрээгүй хүүхдээр хурдан морь унуулахыг хориглолоо 2025/02/05
"Чингис хаан" нисэх буудлын замд олон тооны машин мөргөлдөж зам хаажээ 2025/02/05
Нийтийн тээврийн үйлчилгээнд хоёр төрлийн карт уншигч ажиллуулж байна 2025/02/05
ЦЕГ: Согтуурсан үедээ найз залуугаа хөнөөсөн 15 настай охиныг саатуулан, байцааж байна 2025/02/05
Ихэнх нутгаар хүчтэй салхитай, хүйтний эрч нэмж чангарахыг анхааруулж байна 2025/02/05