Gandan Television үүсгэн байгуулагч, захирал Ж.Одгарьд тус телевизийн программын албаны дарга, гавж П.Мөнх-Очирт үүрэгт ажлаа хүлээлгэн тамга тэмдэг, гэрчилгээгээ гардуулан, ОНХА- ны даргаар томилогдлоо.
Ж,Одгарьдын Гандан телевизийг үүсгэн байгуулж бүтээсэн ажлыг товчхон сийрүүлбэл:
МБШТөв-Гандантэгчэнлин хийдийн дэргэдэх Гандан телевизийн 2022 оны 2 дугаар сарын 2, XVII Жарны усан бар жилийн шинийн нэгэнд эфирийг орон даяар түгээж үйл ажиллагааг эхлүүлжээ.
2020-2021 онд телевизийн үйл ажиллагааг явуулах суурь судалгаа, хууль эрх зүйн орчин, дэд бүтэц, инжнер техникийн шийдлийг гаргаж анхны холболтуудыг бүтээн байгуулж,
“Өв уламжлал, шашин соёлоо дээдлэнэ” уриа бүхий хүүхэд залуучуудын телевизийг бэлгэдэл, брэнд бүхий болгож хөгжүүлсэн бөгөөд нийгмийн соён гэгээрүүлэх үндсэн зорилгодоо нийцсэн орон даяар сувгаа түгээх мэрэгжлийн уран бүтээлийн баг, тоног төхөөрөмж, студи бүхий өргөн нэвтрүүлгийн шаардлага хангасан Телевизийн байгууллага үүсгэн байгуулсан билээ.
Гандан телевиз нь нийгэмд өөрийн гэсэн өнгө төрх, нэвтрүүлэг, уран бүтээлээрээ олонд танигдаж гадаад, дотоодын хэвлэл мэдээлэл, телевизийн байгууллагатай хамтын ажиллагаатай, соёлын байгууллагуудтай хамтын ажиллагааны санамж бичигтэй, улсдаа ажлын байрыг нэмэгдүүлж, 2024 оны хариуцлагатай татвар төлөгч байгууллага болон өргөжсөөр байна.
Гандан телевизэд телевизийн мэргэшсэн, чадварлаг, уран бүтээлчид өдөр бүр 16-17 цагийн тогтмол эфирийг Монгол орон даяар Univision-58, Skymedia-58, ДДЭШ-58, Сансар дижитал-24, Сансар кабель-25, MNBC-50, Монголсат-48, Цахилгаан холбоо-25, Хилийн чанд, олон улсад /VOO, facebook хуудас, Youtube, Instagram/ сувгуудаар хүүхэд, залуучуудад соёл, танин мэдэхүйн хүмүүжил олгоход дэмжлэг болон эерэг нийгмийн төлөө сэтгэл оюунаа нэгтгэн ажиллаж байна.
Гандан телевизийн бүтээсэн соёл уламжлалын нэвтрүүлгүүд, монголчуудын нийтээрээ шүтдэг бурханы шашны хурал номын зан үйлийн дамжуулалт, тэр дотор Далай багшийн номын айлдвар, олон улсын шашин соёлын үйл ажиллагаа үзэгчдийн таашаалыг ихээхэн хүртдэг билээ. Үүнд: Бурхадын тайлбар, Номын нөхдийн наадгай, Хүүхдийн ертөнц, Гандангийн цагаан сар, Ханьцашгүй номын мөр, Арван бэрх, Сэтгэлийн гэгээ, Оршихуйн эх, Судраас суралцахуй, Түүх соёлын үл хөдлөх дурсгалууд, Завгүй залуус, Update, Жаргалын түлхүүр, Эрдмийн шимээс нэвтрүүлгүүд олны таашаалыг хүртсэн юм.
эх сурвалж: Гандантэгчэнлин Хийд
