БНСУ-ын парламент дахь сөрөг хүчний Rebuilding Korea намын дарга Чо Гукыг албан бичиг хуурамчаар үйлдсэн, өндөр албан тушаалтны төрийн шалгалтад саад учруулсан хэргээр Шүүхээс хоёр жилийн хорих ял оноожээ.
2019 онд Чо Гук Хууль зүйн сайд байх үедээ өөрийн охин Чо Мин-ий коллежийн элсэлтийн материалыг хуурамчаар бүрдүүлсэн гэж буруутгагдсан. Тодруулбал, тэрээр эхнэртэйгээ хамтран охиныхоо боловсролын зэрэг, ажил мэргэжлийн үнэлгээг өсгөх зорилгоор хуурамч бичиг баримт үйлдсэн байжээ.
2022 онд БНСУ-ын Дээд шүүхээс эхнэр Чун Кён Симийг хуурамч бичиг баримт үйлдэж, санхүүгийн зөрчил гаргасан хэргээр буруутган, дөрвөн жилийн хорих ялаар шийтгэжээ. Үүний дараа охиных нь бакалавр болон анагаахын зэрэг горилж байсан Корё их сургууль, Пусан их сургуулиас түүний элсэлтийг хүчингүй болгожээ.
