Энхийг сахиулах ажиллагаанд жендэрийн тэгш байдлыг нэмэгдүүлэхэд Европын Холбоо болон Монгол Улсын Зэвсэгт Хүчин хамтран ажиллаж байна.
Словени улсын Жабле цайзад байрлах Энхийг сахиулах ажиллагааны сургалтын Peace Operations Training Centre төвд 22 Монгол энхийг сахиулагчид тусгай сургалтад хамрагдаж байна.
Энэхүү сургалтаар Монголын энхийг сахиулагчдыг аливаа асуудлыг жендэрийн мэдрэмжтэй байдлаар шийдвэрлэх чадавхыг нэмэгдүүлэх, тэднийг эх орондоо төдийгүй Нэгдсэн Үндэстний Байгууллагын энхийг сахиулах ажиллагаанд жендэрийн тэгш байдал, хүний эрхийн төлөөх нөлөөллийн үйл ажиллагаанд дуу хоолойгоо нэгтгэхэд дэмжлэг үзүүлэх, хамтран ажиллах зорилготой юм. Энэхүү төсөл нь Европын Холбоо болон Монгол Улс хооронд дипломат харилцаа тогтоосны 35 жилийн ойг тэмдэглэх үйл ажиллагааны нэг хэсэг болж байна.
Эх сурвалж: Европын холбооны элчин сайдын яам
