Нэр бүхий улстөрч, сайтаар УИХ-ын дарга Д.Амарбаясгаланг Тавантолгойн бүлэг ордыг эзэмшдэг гэх мэдээлэл тарааж буйтай холбогдуулан өөрийгөө шалгах хүсэлтийг хууль, шүүхийн байгууллагад гаргаснаа цахим хуудсаараа ийнхүү мэдэгджээ.
Улсын ашиг сонирхлыг эрхэмлэх, авлига, ашиг сонирхлын зөрчлөөс ангид байх тангараг өргөсөн Улсын Их Хурлын гишүүний хувьд өөрийн хамаарал бүхий этгээдийн талаар бодит мэдээллийг олон түмэнд нээлттэй хүргэх, нийтийн албан тушаал эрхлэхдээ өөрт болон хамаарал бүхий этгээддээ албан тушаал, бүрэн эрхээ урвуулан ашиглаж давуу байдал үүсгэсэн эсэх зэрэг асуудлаар хууль, шүүхийн байгууллагаар шалгуулах хүсэлт гаргаж байгааг мэдэгдье гэжээ.
