БНХАУ-ын Хайнаньд ажлынхнаараа аялж яваад 21 давхраас унаж амь насаа алдсан Нийслэлийн худалдан авах ажиллагааны газрын Төлөвлөлт худалдан авахгазрын ажилтан Т.О-гийн хэргийг БНХАУ-ын цагдаагийн байгууллагаас шалгаж эхэлсэн. Урьдчилсан байдлаар гаднын нөлөөгүй гэсэн мэдээлэл бий. Талийгаачийн цогцсыг өчигдөр буюу энэ оны аравдугаар сарын 28-ны шөнө Монголд авчирсан бөгөөд үүнтэй зэрэгцээд түүнийг албан ёсоор ажлаас нь чөлөөлж, ар гэрт нь 1 сая төгрөгийн нэг удаагийн буцалтгүй тусламж олгох Газрын даргын тушаал гарсан байна.
