“Олон улсын ахмадын өдөр”-ийг тохиолдуулан Стандарт, хэмжил зүйн газрын дарга С.Батбаатар, даргын зөвлөл, удирдлагууд үе үеийн СХЗГ салбарт эх орныхоо тусгаар тогтнол, хөгжил дэвшлийн их үйлсэд идэр залуу нас, мэдлэг боловсрол, хүч хөдөлмөрөө зориулсан байгууллагын ахмад ажилчдадаа хүлээн авч, хүндэтгэл үзүүллээ.
Энэ үеэр ахмадуудаас туршлага солилцох уулзалтыг зохион байгуулах, ажиллаж байсан хэлтэст нь залуу үеийнхэнтэйгээ хамтран ажиллаж мэдлэг туршлагаа хуваалцаж байх талаар санал гарч ажил хэрэг болгох талаар ярилцлаа. Мөн ахмадын зөвлөлийн тэргүүлэгч гишүүдийг нэмэгдүүлэх болон энэ жил тэтгэвэрт гарсан ахмадаас нэгдэж, ажиллах зэрэг асуудлыг дэвшүүлсэн юм.
Уг арга хэмжээнд ахмад, дунд үеийн нийт 150 гаруй ахмадууд оролцож, сэтгэгдэл өндөр байгаагаа илэрхийлж байлаа.
Монгол Улсын хөгжил дэвшил, хойч үеийнхээ ирээдүйн сайн сайхан, улс орныхоо хөгжил цэцэглэлтийн төлөө залуу нас, халуун сэтгэлээ зориулан уйгагүй хөдөлмөрлөн ирсэн нийт ахмад буурлууд Та бүхэндээ “Олон Улсын Ахмадын баяр”-ын өдрийн халуун мэндийг хүргэе.
Та бүхэн үр хүүхэд, төр түмэндээ өмөг түшиг нь болж явахын өлзийтэй сайхан ерөөлийг өргөж, урт насалж, удаан жаргаарай.
