Нийслэлийн Онцгой байдлын газраас "Скайхайпермаркет" ХХК-ийн Баянгол Имарт салбартай хамтран гал түймэр унтраах тактикийн дадлага, сургуулийг 2024 оны есдүгээр сарын 30-ны өдрийн 04:00 цагт худалдааны төвийн барилгад гарсан гал түймрийг унтраах, арга зүй, онцлогийг судлах, гал унтраах ангиудын харилцан хамтын ажиллагааг сайжруулах, дотоод зохион байгуулалт, гал түймэртэй тэмцэх хэсгийн гүйцэтгэх үүргийг тодотгох, ажилтан албан хаагчдад гал унтраах анхан шатны багаж хэрэгслийг ашиглан гал түймрийг унтраах мэдлэг, дадлагыг олгох зорилгоор зохион байгууллаа. Дадлага сургуульд Баянгол дүүргийн Онцгой байдлын хэлтсийн Гал түймэр унтраах, аврах 18 дугаар анги, Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар анги, Скайхайпермаркет ХХК-ийн Баянгол салбар, Хан-Уул салбар, түгээлтийн хэлтсийн 450 гаруй ажилтан, албан хаагч оролцож, гал түймрийн үед хариу арга хэмжээг төлөвлөх, гал түймрийг унтраах, мэдлэг, дадлагыг дээшлүүллээ.
