Имарт (Скай Хайпермаркет ХХК) болон Уранган Группийн хамтын ажиллагааны хүрээнд Имартын шинэ салбар “UG Expo” төвд нээгдэхээр боллоо. Төслийг хэрэгжүүлэх хоёр талын стратегийн хамтын ажиллагааг баталгаажуулсан гэрээнд гарын үсэг зурах ёслол амжилттай зохион байгуулагдсан бөгөөд шинэ салбар 2026 оны III улиралд ашиглалтад орохоор төлөвлөгдөж байна.
Имарт салбар нь удахгүй хэрэгжих “UG Park” төсөлтэй нийцэн гэр бүл, хүүхэд, залуучуудад зориулсан “Family Lifestyle Center” хэлбэрээр хөгжих бөгөөд хэрэглэгчдийн өдөр тутмын хэрэгцээг нэг дороос хангах худалдаа үйлчилгээ, спорт, боловсрол, эрүүл мэндийн үйлчилгээг төвлөрүүлсэн цогц орчин бүрдэх юм.
