Суралцагчдыг эрүүл, аюулгүй орчинд сурч боловсрох нөхцөлийг бүрдүүлэх, сургуулийн орчны тохижилтыг сайжруулах зорилгоор бүтээн байгуулалтын ажлуудыг үе шаттайгаар хэрэгжүүлж байна.
Энэ хүрээнд Багануур дүүргийн 3 дугаар хороонд байрлах Боловсрол цогцолбор сургуулийн хичээлийн II байрны 3000 ам метр гадна талбайн тохижилтын ажлыг бүрэн хийж дууслаа.
Тус ажлын хүрээнд сургууль орчмын шороон болон бетон хучилт, явган зам, сагсан бөмбөг болон хөл бөмбөгийн талбай, гүйлтийн замын EPDM резинэн хучилт, хөл бөмбөгийн талбайн хиймэл зүлэг, төмөр торон хашаа, гэрэлтүүлэг зэрэг тохижилтын ажлыг хийж гүйцэтгэв. Уг ажлыг нийслэлийн төсвийн хөрөнгө оруулалтаар “МГБИ” ХХК гүйцэтгэж, нийслэлийн Хөрөнгө оруулалтын газар захиалагчийн техникийн хяналтыг хэрэгжүүлэн ажиллалаа.
НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС
