Мягмар гарагийн УИХ-ын ХЗБХ-ны хуралдаанаар Б.Баярбаатар гишүүн Жеффри Эпштейны хэргийг эргэн сөхөв. Хүн худалдаалах гэмт хэргийн эсрэг Засгийн газраас мэдээлэл хийж байх үеэр зарим гишүүд Эпштейнтэй холбоотой асуудлыг хөндсөн байна. Энэ үеэр Монгол Улсын Ерөнхийлөгч асан Элбэгдоржийг Гадаад хэргийн зөвлөх байсан Пүрэвсүрэнгээрээ дамжуулан Эпштэйнтэй харилцаж байсныг дуу, дүрс бичлэгээр баримтжуулсан нь ил болсон тухай Баярбаатар гишүүн ноцтой мэдэгдлүүд хийлээ. Хамгийн ноцтой нь хүчирхийлэгч, гаж донтон гэж тодорхойлогдоод байгаа Эпштейнд “монгол охиноор сюрприз барина” гэсэн тэдний харилцаа баримтаар нотлогдсон мөн Дубайд манай томчууд Эпштейнээр дамжуулан морин тойруулгийн тэмцээн үзсэн, дараа жил нь “Дубайн гэрээ” байгуулагдсан зэргээр дээрх хэргүүдийн холбоо уялдааг шалгах хэрэгтэйг Баярбаатар гишүүн онцлов. Иймд тэрээр Эпштейний хэргээр УИХ-ын чуулганы “Нээлттэй сонсгол” хийх саналыг гаргаж гишүүдийн саналыг цуглуулж эхлээд байна.
