Төрийн өмч үнэгүйддэгийн хамгийн тод жишээ нийслэлийн Хангарьд ордон болоод байна. НИТХ-ын Зөвлөлийн хурлаар 16 давхар бүхий энэ барилгыг 14,3 тэрбумаар үнэлэн Улсын Дээд шүүхэд шилжүүлэхээр болжээ. Хэдийгээр нэг төрийн өмч нөгөөд шилжүүлж байгаа ч үнэлгээ үнэн зөв байх учиртай. Гэтэл хотын төвд байрлалтай Дээд шүүхэд Хангарьд ордныг ийнхүү үнэлэн шилжүүлэн өгч байгаагийн цаана ямар нэгэн ашиг сонирхол бизнесийн далд санаа нуугдаж байгаа юм биш биз. Баримтыг фокуслав.
БАРИМТ:
Гэтэл 4 жилийн дараа буюу 2024.09.19-ны өдрийн НИТХ-ын Зөвлөлийн хуралдаанаар 14,3 тэрбум төгрөгөөр үнэлэн Дээд шүүхийн өмчлөлд шилжүүлэх шийдвэрийг гаргажээ
ФОКУСАЛВАЛ:
Төрийн өмчийг төрийн өмчид нь шилжүүлж байгаа гэсэн тайлбарыг холбогдох хүмүүс өгч байгаа ч үнэлгээг ийнхүү хэд дахин бууруулж бүхэл бүтэн 16 давхар барилгыг нийслэлийн төв цэг болох Сүхбаатарын талбайн яг дэргэдэх газрынх нь хамт 14,3 тэрбумхан төгрөгөөр үнэлсэн нь өөрөө хууль бус төдийгүй хуйвалдааны шинжтэй байж магадгүй юм. Хэдхэн жилийн өмнө хувьчлах хүртэл асуудал сөхөгдөж байсан Хангарьд ордныг өнөөдөр Дээд шүүхэд, маргааш хэн нэгний хувийн компанид энэ үнээр нь худалдахыг үгүйсгэх аргагүй. Тиймээс үнэлгээ нь анхнаасаа үнэн зөв байх ёстой
Хоёрдугаарт, төрийн өмчийг үнэгүйдүүлж үнэлэх ёстой гэсэн Сангийн сайдын баталсан журмын яаралтай эргэн харж өөрчлөх эс бөгөөс ийм журам баталсан нэр бүхий Сангийн сайдыг хууль хяналтын байгууллагууд шалгах хэрэгтэй болжээ. Энэ хэний урьдчилан найруулсан жүжиг вэ, НИТХ-ын дарга Ж.Батбаясгалан дарга аа?!
