УИХ-ын гишүүн Д.Энхтуяа: Өнөөдөр УИХ-ын чуулганаар “Монгол Улсыг 2026–2030 онд хөгжүүлэх үндсэн чиглэл”-ийг хэлэлцэх үеэр Ерөнхий сайд Г.Занданшатар:
“Ахмадуудынхаа тэтгэврийг хувиар бус, мөнгөн дүнгээр нэмэгдүүлнэ.
Бага тэтгэвэр авч буй ахмадуудынхаа тэтгэврийг илүү нэмэх чиглэл баримтална.” хэмээн чуулганы танхимд мэдэгдлээ.
Энэ бол маш удаан хугацаанд тууштай ярьж, тэмцэж ирсэн миний байр суурь, итгэл үнэмшлийн үр дүн юм.
Би УИХ-ын гишүүнээр сонгогдсоноосоо хойш байнга ганц л зүйлийг хэлж ирсэн.
“Ахмадуудын тэтгэврийг хувиар бус, мөнгөн дүнгээр нэмэх нь шударга бөгөөд хамгийн бага тэтгэвэртэй ахмадууддаа бодит дэмжлэг болно.”
Өнөөдөр энэ бодлого хэрэгжих шийдвэрийн эхлэл тавигдлаа.
Энэ бол ахмадуудынхаа хөдөлмөр, зүтгэлийг үнэлж, амьдралд нь бодит тус хүргэх үнэн шударга бодлого юм.
Би цаашид ч ахмад настнуудынхаа эрх, амьдралын чанарыг сайжруулах бодлогыг тууштай дэмжиж, ажилласаар байх болно.
