Хөвсгөл аймгийн Тариалан суманд 1 сарын дотор 3 хүн алга болоод байна.
Тодруулбал, Хөвсгөл аймгийн Тариалан сумын Баянхошуу багийн “Сайхан мод” гэх газраас 9 сарын 17-ны өдөр хоёр настай эрэгтэй хүүхэд сураггүй алга болж, найман өдрийн турш хайсан ч 9 сарын 25-ны өдөр нас барсан байдалтай олсон харамсалтай хэрэг гарсан билээ.
Энэ үеэр буюу есдүгээр сарын 21-ний Өдөр Мөн л Тариалан суманд самарт явсан 40 настай эмэгтэй сураггүй болсон. Тэрээр өдрийн 15:00-16:00 цагийн орчим отгоосоо 1 км зайтай газарт түүсэн самраа сахиж үлдсэн бөгөөд хамт явсан хүмүүс нь самар түүгээд буцаж ирэхэд нь сураггүй болсон байсан тухай дуудлагыг Онцгой байдлын газар өгсөн байдаг. Түүнийг 18 хоногийн дараа ар гэрийн хүсэлтээр эрэн хайх ажиллагааг зогсоосон
Харин гурав дахь иргэн энэ сарын 6-ны өдөр сураггүй алга болжээ. Тодруулбал, Хөвсгөл аймгийн Тариалан сумын Ар тархи багийн “Шар жалга” гэх газар иргэн “Ц” нь 18:00 цагийн орчим иргэн Х-гийн гэрээс гараад сураггүй болсон тухай дуудлагыг 10.10-ны өдрийн 16.15 цагт хүлээн авсан байна. Түүнийг 4 дэх өдрөө Булган аймгийн Онцгой байдлын газрын Хутаг-Өндөр сум дахь Эрэн хайх, аврах салбарын алба хаагчид, Хөвсгөл аймгийн Цагдаагийн газрын алба хаагчид, Тариалан сумын Мэргэжлийн ангийнхан, орон нутгийн иргэд, ар гэрийнхэн эрэн хайх ажиллагааг зохион байгуулж байна.
